Cəmiyyət

Sumqayıtda yeni peşə təhsili mərkəzləri yaradılacaq

8 Mart 2018 17:30

Baxış: 1 292

#CƏMİYYƏT

Sumqayıt şəhərində sənaye, yüksək texnologiyalar və xidmət sahəsi üzrə peşə təhsili mərkəzlərinin yaradılması nəzərdə tutulub.

Milli.Az-ın Trend-ə istinadən məlumatına görə, bu, "Azərbaycan Respublikasında peşə təhsili və təliminin inkişafına dair Strateji Yol Xəritəsi"nə uyğun olaraq, iri sənaye mərkəzlərində peşə təhsili və təlimi müəssisələrinin optimallaşdırma prosesinin həyata keçirilməsi, müasir təminatlı peşə təhsil mərkəzlərinin yaradılması tədbirinin icrası çərçivəsində planlaşdırılır.

Nazirlər Kabinetinin qərarı ilə yaradılmış "Sumqayıt Kimya Sənaye Parkı" Məhdud Məsuliyyətli Cəmiyyətinin nəzdində sənaye ixtisasları üzrə ixtisaslı kadrların hazırlanmasını təmin edən müasir tipli Peşə Tədris Mərkəzi yaradılır. 2014-cü ildə tikintisinə başlanılan mərkəzin A, B, H, D və E blokları üzrə tikinti işləri yekunlaşıb, hazırda digər tamamlama işləri görülür.

Milli.Az