Cəmiyyət

Azərbaycan və Fransa birgə nüvə tədqiqatlarına başlayıb

2 İyun 2011 16:16
Baxış: 395
VTB-də minimal faiz dərəcəsi ilə nağd kredit 9.9%-dən
#AZERBAİJAN #AREVA - SOCİETE DES PARTİCİPATİONS DU COMMİSSARİAT A L'ENERGİE ATOMİQUE
Azərbaycan və Fransa mütəxəssisləri nüvə sahəsi üzrə birgə tədqiqatlara başlayıblar. Bunu Trend-ə Azərbaycan Milli Elmlər Akademiyasının Radiasiya Problemləri İnstitutunun (RPİ) direktoru Adil Qəribov deyib. O bildirib ki, işlər Fransanın "Areva" şirkəti ilə RPİ arasında mayın 31-də imzalanan anlaşma protokolu əsasında görülür. Sənədə əsasən, Fransa və Azərbaycan mütəxəssisləri gələcəkdə nüvə texnologiyalarının yeniliklərinin öyrənilməsi üzrə birgə proqram həyata keçirəcəklər.

Eyni zamanda, Fransa Azərbaycan üçün bu sahə üzrə gənc kadrların hazırlanmasında da iştirak edəcək.

"Tədqiqatlar müntəzəm davam edəcək və Fransada aparılacaq. Çünki Azərbaycanda tədqiqat nüvə qurğusu yoxdur. Fransanın isə tədqiqat nüvə reaktorları üzrə imkanları böyükdür. Bu ölkənin 90-a yaxın tədqiqat nüvə reaktoru var. Onların hamısı ən müasir texnologiyalar əsasında qurulub. Nəzərə almaq lazımdır ki, dünyanın bütün reaktorlarında qəza baş versə də, Fransa reaktorlarında belə hal olmayıb. Bu baxımdan onların təcrübəsi Azərbaycan üçün əhəmiyyətlidir", - Qəribov əlavə edib.

İnstitut direktoru qeyd edib ki, tərəflər hər il sənəddə nəzərdə tutulan bəndlər üzrə birgə hesabatlar verəcəklər.

Tədqiqatların nəticəsi isə yalnız nüvə enerjisinin dinc məqsədlərlə istifadəsi üçün tətbiq ediləcək.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.