Cəmiyyət

Bakı metrosunun bəzi stansiyalarının adları dəyişdirilir

11 Aprel 2011 16:17
Baxış: 499
VTB-də minimal faiz dərəcəsi ilə nağd kredit 9.9%-dən
#AZERBAİJAN
APA-nın məlumatına görə, bu məsələ Komissiyanın bu gün keçirilən iclasında müzakirə olunub. Metropolitenin rəisi Tağı Əhmədovun imzası ilə daxil olan məktubda 4 stansiyanın adının dəyişdirilməsi, 4 stansiyaya isə adın verilməsi təklif olunub.

Metropoliten "Məşədi Əzizbəyov" stansiyasının adının dəyişdirilməsi üçün 3 ad - "Heydər Əliyev" prospekti, "Böyükşor", "Xəzər", "Ulduz" stansiyasına "Araz" və ya "Səməd bəy Mehmandarov", "Bakmil" stansiyasına "Əliağa Şıxlınski", "İnşaatçılar" stansiyasına isə "Yasamal" adının verilməsini təklif edib.

Yeni stansiyalardan isə Yeni Avtovağzalın yaxınlığında inşa olunacaq stansiyaya "Avtovağzal", Binəqədi rayonu, 7-ci mikrorayonda Süleyman Sani Axundov küçəsində inşa olunan stansiyaya "Dərnəgül", Nəsimi rayonu, 5-ci mikrorayon, Cavadxan küçəsində inşa olunan stansiyaya "Cavadxan", Binəqədi rayonu, 7-ci mikrorayon, Xarici Dairəvi küçədə inşa olunan stansiyaya isə "Dərnəgül" elektrik deposu adının verilməsi təklifi ilə çıxış edib.

İclasın yekununda məsələnin mütəxəssislər tərəfindən araşdırılması qərara alınıb.

Bakı Metropoliteni stansiyaların adlarının dəyişdirilməsi zərurətini bu adların sovet dövrünün rəmzlərini ifadə etməsi ilə əsaslandırıb.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.