Cəmiyyət

Azərbaycanda köhnə işıq borcu problemini necə həll etmək olar?

10 Oktyabr 2012 15:57
0 Şərh     Baxış: 14 410
VTB-də minimal faiz dərəcəsi ilə nağd kredit 10.49%-dən
Milli.Az-ın Day.Az saytına istinadən məlumatına görə, məktubda elektrik istifadəsinə görə ödənilən pulla bağlı yaranan problemə toxunulub.

"Mənim bacım Sumqayıtda yaşayır. O, Sumqayıt Elektrik Şəbəkəsindən işıq pulu borcunun olmaması ilə bağlı arayış götürmək istəyib, lakin ona deyiblər ki, 2001-ci ildən 89 manat, 39 qəpik borcu qalıb. Arayış yalnız həmin borc ödənildikdən sonra həyata keçirilə bilər. Bu 11 ilin borcudur Əgər belə bir borc olsaydı, işığı çoxdan kəsərdilər. Çünki həmin dövr üçün bu, çox böyük məbləğ idi. Mən bildiyim qədər üç il ərzində borc tələb olunmursa, o silinir. Bundan başqa, biz hər ay işıq pulunu ödəyirik, borcumuz yoxdur. Nəyə görə başqasının borcunu bizə yazıb həmin borcun qapadılmasını istəyirlər?" - məktubda qeyd olunub.

Məsələyə aydınlıq gətirmək üçün saytın əməkdaşı "Azərenerji" ASC-nin mətbuat katibi Ələkbər Baxşəliyevlə əlaqə saxlayıb. Onun sözlərinə görə, heç kimə başqasının borcu yazılmır.
 
"Elə abonentlər var ki, borcları var, lakin bunu etiraf etmirlər. Borc bağlanmayana qədər arayış verilməyəcək. Əgər onun borcu varsa, necə borc olmamağı barədə arayış verilə bilər ki? Qoy həmin vətəndaş rəsmi şəkildə "Azərenerji" ASC-yə müraciət etsin, biz müvafiq araşdırma aparacağıq", - o qeyd edib. 

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.