Cəmiyyət

Lombardlardan istifadə edənlərə XƏBƏRDARLIQ - Qızılınız dəyişdirilə BİLƏR

8 May 2026 14:40

Baxış: 365

VTB-də minimal faiz dərəcəsi ilə nağd kredit 9.9%-dən

""Lombardlar haqqında" qanun layihəsi hazırlanır və güman edilir ki, yaxın vaxtlarda Milli Məclisə təqdim olunacaq".

Milli.Az xəbər verir ki, bunu "Unikal"a açıqlamasında deputat Vüqar Bayramov deyib. O bildirib ki, burada məqsdə heç də sərt inzibatçılığın gətirilməsi deyil:

"Məqsəd istehlakçıların hüquqlarının qorunmasıdır. Lombard fəaliyyətinin monitorinqi göstərir ki, bir sıra hallarda istehlakçıların hüquqları pozulur. Girov kimi cəlb edilən qızılın dəyişdirilməsini, qızılın qiymətləndirilməsi ilə bağlı heç də uyğun olmayan mexanizmlərin təqdim edilməsini və kifayət qədər yüksək faizləri qeyd etmək olar. Bu, istehlakçıların hüquqlarının pozulmasına gətirib çıxarır. İstehlakçıların hüquqlarının qorunması baxımından müəyyən çağırışlar yaradır. Ona görə bu sektorun tənzimlənməsinə ehtiyac vardır. Amma söhbət ciddi tənzimləmələrdən getmir. Sərt tənzimləmələrin lombard sektoruna gətirilməsi arzuolunan deyil. Çünki bu sektorun özəllikləri var.

Ümumiyyətlə, inkişaf etməkdə olan ölkələrdə bu sektor tənzimlənən zaman sərt qaydalardan istifadə olunmur. O baxımdan təbii ki, lombard fəaliyyəti ilə bağlı yeni qanun layihəsinin hazırlanması prosesi gedir. Bu daha çox istehlakçıların hüquqlarının qorunması ilə bağlı qaydaların qanunvericiliyə gətirilməsi və lombard fəaliyyətindən istifadə edən vətəndaşlarımızın hüquqlarının daha yaxından qorunmasına imkan verəcək".

Milli.Az