Cəmiyyət

“Yelo Bank” məsələsində yeni detallar: Rəsmi AÇIQLAMA

6 May 2026 11:38
Baxış: 1 907
VTB-də minimal faiz dərəcəsi ilə nağd kredit 9.9%-dən

Azərbaycan Mərkəzi Bankı "Yelo Bank"a tətbiq edilən sanksiyalarla bağlı açıqlama verib.

Milli.Az xəbər verir ki, bu barədə Mərkəzi Bankın sədri Taleh Kazımov mətbuat konfransında jurnalistlərin suallarını cavablandırarkən məlumat verib.

T.Kazımov bildirib ki, məsələ Avropa İttifaqının 20-ci sanksiya paketi çərçivəsində baş verib.

Onun sözlərinə görə, Mərkəzi Bank məsələ ilə bağlı bankla daim əlaqə saxlayır və hazırda ciddi risklər müşahidə olunmur:

"Bank kifayət qədər dayanıqlıdır. Həm likvidlik, həm də kapital adekvatlığı baxımından hər hansı mənfi gözləntimiz yoxdur".

T.Kazımov qeyd edib ki, sanksiyalar müəyyən ödənişlərdə çətinlik yarada bilsə də, son həftələrdə aparılan müzakirələr zamanı ciddi problem qeydə alınmayıb.

Əlavə edib ki, qərarın səbəbləri ilə bağlı araşdırmalar aparılır və məsələ hüquqi müstəviyə çıxarılacaq:

"Ümid edirik ki, növbəti aylarda Avropa İttifaqı bu qərarını dəyişdirəcək. Çünki hər hansı əsaslı səbəb görmürük".

O, həmçinin bildirib ki, bankın Rusiya Federasiyasının SPFS sisteminə qoşulması ilə bağlı iddialar köhnə dövrə aiddir:

"Bu qoşulma münaqişədən əvvəl olub və sistem istifadə edilmədən bağlanıb. Ola bilsin ki, burada anlaşılmazlıq var".

Mina Mikayılova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.