Cəmiyyət

Mağazada bilmədən məhsul sındırdınsa, pul ödəməlisən? - QANUN

30 Aprel 2026 11:10

Baxış: 642

VTB-də minimal faiz dərəcəsi ilə nağd kredit 9.9%-dən

#CƏMİYYƏT #MAĞAZA

Mağazada alış-veriş zamanı təsadüfən məhsul sındırmaq bir çox insanın qarşılaşa biləcəyi hallardandır.

Bəs, belə vəziyyətdə alıcı bilmədən sındırdığı əşyaya görə ödəniş etməlidirmi?

Milli.Az xəbər verir ki, Mülki Məcəllənin 152.10-cu maddəsinə əsasən əmlakın təsadüfən məhv olması və ya təsadüfən zədələnməsi riski mülkiyyətçinin (satıcının) üzərinə düşür.

Alıcı mağazada məhsulun təsadüfən (ehtiyatsızlıqdan) sındırılmasına və ya zədələnməsinə görə məsuliyyət daşımır və bu halda ondan məhsulun ödənişi tələb oluna bilməz.

Təsadüfi hallara alıcının hərəkətləri ilə əlaqəli olmayan, digər səbəblərdən yaranan ziyanlar aid edilir. Məsələn, məhsulların düzgün yerləşdirilməməsi, satıcının məhsulların təhlükəsizliyi üçün lazımi şəraiti təmin etməməsi və s.

Lakin əgər mağazadakı məhsul qəsdən sındırılıb və ya zədələnibsə, bu zaman dəymiş zərər ödənilməlidir.

Mina Mikayılova
Milli.Az