Cəmiyyət

Kart sahiblərinə VACİB XƏBƏR

14 Aprel 2026 15:30
Baxış: 2 180
VTB-də minimal faiz dərəcəsi ilə nağd kredit 9.9%-dən
#CƏMİYYƏT

Hər bir halda, Mərkəzi Bankın kommersiya banklarının xidmət haqlarını aşağı-yuxarı, yaxud orta səviyyəsini müəyyənləşdirmək səlahiyyəti yoxdur. Çünki banklar kommeriya təşkilatıdır və qiymətlərini özləri müəyyənləşdirir.

Milli.Az xəbər verir ki, bu sözləri Yeni Sabah-a hüquqşünas Əkrəm Həsənov deyib.

O bildirib ki, özəl banklar qarşısında konkret şərtlərin qoyulması ancaq qanunvericiliklə mümkündür:

"Mərkəzi Bank digər banklar üçün öz xidmətlərinin hədlərini müəyyənləşdirə bilər. AMB-nin nə kedit faizinin, nə əmanətin nə də digər maliyyə resursların yuxarı həddini müəyyənləşdirmək hüququ yoxdur. "Banklar haqqında" qanunda konkret olaraq yazılıb: Banklar öz xidmət haqqını və xidmət şərtlərini özləri müəyyən edirlər. Mərkəzi Bank özünün müəyyən etdiyi yuxarı hədləri kommersiya banklarına sadəcə tövsiyə edə bilər. Özəl banklara hər hansı şərt diktə emək üçün ancaq Milli Məclis qanun qəbul etməli, prezident isə imzalamalıdır. Hazırda isə belə bir qanun qəbul edilməyib".

Xatırlatma: Azərbaycan Mərkəzi Bankının (AMB) sədri Taleh Kazımovun imzaladığı yeni qərara əsasən, ödəniş sistemlərinin iştirakçıları arasında tətbiq edilən interçeyncin (xidmət haqqı tariflərinin) yuxarı həddi təsdiqlənib.

Mərkəzi Bankın qəbul etdiyi bu yeni qərar, ödəniş kartları ilə edilən alış-verişlərin fonunda bankların bir-birinə ödədikləri xidmət haqqını tənzimləyir.

Qərar iyunun 1-dən qüvvəyə minəcək.

Milli.Az
 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.