Cəmiyyət

Daha bir ərazidə söküntü - 2700 manat VERİLƏCƏK

15 Fevral 2026 12:05

Baxış: 2 059

VTB-də minimal faiz dərəcəsi ilə nağd kredit 9.9%-dən

#HADİSƏ

Paytaxtın baş planına uyğun olaraq daha bir ərazidə söküntü nəzərdə tutulub.

Milli.Az BAKU.WS-ə istinadən xəbər verir ki, söhbət Mirəli Qaşqay 34 ünvanında yerləşən bir və iki mərtəbəli yaşayış tikililərindən gedir.
Təxminən bir əsr əvvəl inşa edilmiş bu binaların yaxın vaxtlarda sökülməsi planlaşdırılır.

Bildirilir ki, sakinlərə hər kvadratmetr üçün 2700 manat məbləğində kompensasiya təklif olunub. Qeyd olunur ki, mənzillərin hamısının ayrıca çıxışı mövcuddur.

Artıq ərazidə evləri söküləcək sakinlərlə görüş keçirilib, mənzillərin texniki vəziyyəti qiymətləndirilib və inventarlaşdırma işləri aparılıb.

Məlumata əsasən, binalar söküldükdən sonra həmin ərazidə yeni çoxmərtəbəli yaşayış binasının inşası nəzərdə tutulmur.

Layihənin detalları və ərazinin gələcək təyinatı ilə bağlı isə əlavə məlumatın veriləcəyi gözlənilir.

Milli.Az