Cəmiyyət

MİDA 43 minə bir, 55 minə iki, 70 minə üçotaqlı mənzilləri satışa çıxarır

28 Noyabr 2025 13:56

Baxış: 6 604

VTB-də minimal faiz dərəcəsi ilə nağd kredit 9.9%-dən

#CƏMİYYƏT

Mənzil İnşaatı Dövlət Agentliyinin (MİDA) Yevlax Yaşayış Kompleksi üzrə 179 mənzilin satışı 3 dekabr saat 11:00-da başlayacaq və 12 dekabr 11:00-da başa çatacaq.

Milli.Az xəbər verir ki, bunu report.az-a qurumun mətbuat katibi Diana Dadaşova bildirib.

Onun sözlərinə görə, satış prosesi "Güzəştli mənzillərin satışına dair qaydalar"a uyğun şəkildə aparılacaq: "Qaydaların 5.6-cı bəndinə əsasən, mənzilin dəyərinin ipoteka krediti hesabına ödənilməsi yalnız ilkin razılıq alınaraq elektron kabinetdə təsdiqlənməsindən sonra mümkündür".

D. Dadaşovanın sözlərinə görə, Yevlax Yaşayış Kompleksində mənzillərin qiymətləri aşağıdakı kimi olacaq:

Studio tipli mənzillərin qiyməti - 41 040 manat,

1 otaqlı mənzillərin qiyməti - 43 225 manat,

2 otaqlı mənzillərin qiyməti - 55 575 manatdan başlayır,

3 otaqlı mənzillərin qiyməti - 70 490 manatdan başlayır,

4 otaqlı mənzillərin qiyməti - 103 740 manatdır.

MİDA rəsmisi əlavə edib ki, satış prosesi tam elektron qaydada və şəffaf mexanizm əsasında aparılacaq.

Milli.Az