Cəmiyyət

"Gündəlik çörək miqdarı insanın yaşı və həyat tərzinə uyğun olmalıdır" - AÇIQLAMA

16 Oktyabr 2025 00:18

Baxış: 5 369

VTB-də minimal faiz dərəcəsi ilə nağd kredit 9.9%-dən

#QİDA

Qida mütəxəssisləri bildirirlər ki, çörəyin rasiondan tamamilə çıxarılması sağlamlıq üçün vacib deyil. Əsas məsələ onun düzgün miqdarda və keyfiyyətli formada istehlak edilməsidir.

Bu barədə qida təhlükəsizliyi üzrə ekspert İsa Əliyev açıqlama verib. Onun sözlərinə görə, bəzi insanlar arıqlamaq və ya sağlam qidalanmaq məqsədilə çörəyi tamamilə kənarlaşdırmağa çalışırlar ki, bu da düzgün yanaşma deyil:

"Çörək karbohidrat mənbəyidir və düzgün seçildikdə orqanizm üçün faydalıdır. Məsələn, tam buğda, çovdar və ya digər liflə zəngin çörəklər həzm sisteminə müsbət təsir edir. Problem ağ undan hazırlanan və qida dəyəri aşağı olan çörəyin həddindən artıq istehlakıdır."

Ekspert əlavə edib ki, gün ərzində çörəyin miqdarı insanın yaşına, fiziki aktivliyinə və ümumi qidalanma tərzinə uyğun tənzimlənməlidir:

"Əsas məqsəd çörəyi tam kəsmək yox, sağlam seçim etməkdir. Fast food tipli, qatqılı çörəklərdə isə risk daha yüksəkdir".

Qida üzrə mütəxəssislər əhaliyə çağırış edirlər ki, balanslı və maarifli qidalanma vərdişləri formalaşdırılsın, çörək kimi gündəlik qida məhsulları barədə düzgün məlumatlara əsaslanaraq qərar verilsin.

Asya
Milli.Az