Cəmiyyət

Xırdalan-Masazır dairəsindəki yol xaosu nə vaxt həll olunacaq?

7 Sentyabr 2025 00:13

Baxış: 2 346

VTB-də minimal faiz dərəcəsi ilə nağd kredit 9.9%-dən

#TIXAC

Masazırdan dairəyə daxil olan avtomobillər üçün üstünlüyü göstərən yol nişanı mövcud deyil. Lakin sürücülər dairəyə daxil olarkən üstünlük sanki onlara məxsusmuş kimi davranırlar.

Milli.Az xəbər verir ki, həmin istiqamətdə sürücülər sağ tərəfdən gələn nəqliyyat vasitələrinə yol verməlidirlər. Dairə nişanı yalnız Sumqayıtdan gələnlər üçün quraşdırılıb, bu isə əlavə çaşqınlıq yaradır.

Həmçinin, Bakı istiqamətindən axın edən sıx nəqliyyat bu yol qovşağında vəziyyəti daha da mürəkkəbləşdirir. Xüsusilə Masazıra dönmək istəyən sürücülər üçün işıqforun əlavə hissəsində yaşıl işıq daim yansa da, yüksək yol yükü səbəbindən bu keçid çətinlik yaradır.

Bütün bunlarla yanaşı, ərazidə piyada təhlükəsizliyi məsələsi də narahatlıq doğurur. Burada nə piyada keçidi nişanı mövcuddur, nə də keçid xətləri aydın şəkildə çəkilib. Bu da piyadaların yolu keçərkən təhlükə ilə üz-üzə qalmasına səbəb olur.

Asya
Milli.Az