Cəmiyyət

Bakıda zəlzələ olsa, bu binalar... AÇIQLAMA

25 Aprel 2025 20:12
Baxış: 2 642
VTB-də minimal faiz dərəcəsi ilə nağd kredit 9.9%-dən
#ZƏLZƏLƏ #BİNA #TƏHLÜKƏSİZLİK

"Zəlzələlərə qarşı dayanıqlı binaların inşa edilməsi üçün öncə tikinti qaydalarına riayət olunması vacibdir".

Milli.Az xəbər verir ki, bunu 40 ildən artıqdır tikinti sahəsində fəaliyyət göstərən mühəndis Şahin Məmmədov bildirib.

O, tikililərin zəlzələlərə daha dözümlü olmasını təmin etmək üçün simmetrik ölçülər və qısa sütunların dizayn strukturunun mühüm rol oynadığını qeyd edib.

Mühəndis həmçinin əlavə edib ki, binanın tikildikdən sonra strukturlarına hər hansı bir dəyişiklik edilmədən əvvəl bu dəyişikliklərin mənfi təsirlərinin araşdırılması vacibdir. O, vurğulayıb ki, müvafiq icazə olmadan heç bir struktur dəyişiklikləri ediləməz.

Təhlükəsizlik üzrə mütəxəssislər isə köhnəlmiş binalarla bağlı narahatlıqlarını bildirirlər.

Qeyd edək ki, binaların tikinti prosesinə nəzarəti tikintidə təhlükəsizliyə nəzarət Dövlət Agentliyi həyata keçirir. Layihənin norma və qaydaları yoxlanılır, yalnız bundan sonra müsbət rəy verilir. Rəydən sonra isə tikintiyə tikintiyə icazə vermək hüququ yaranır. Hal hazırda tikilən binalar 8-9 ballıq zəlzələyə davamlıdır, köhnə tikililəri nəzərə alsaq bunlar davamlı olaraq yoxlanılmalıdır. 

Son günlər isə hər kəsi maraqlandıran isə qardaş Türkiyədə baş verən zəlzələnin Azərbaycana təsiridir. 

Bununla bağlı AMEA nəzdində Respublika Seysmoloji Xidmət Mərkəzinin baş direktoru Qurban Yetirmişli bildirib ki, bu zəlzələnin bizim ölkəyə heç bir təsiri yoxdur. Həmin zəlzələ bizim zəlzələ ocaqlarını oyada bilməz.

Asya
Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.