Cəmiyyət

Bakıda binanın divarından 2-ci qapı açmaq istədilər - FOTO

2 Aprel 2025 10:29

Baxış: 2 153

VTB-də minimal faiz dərəcəsi ilə nağd kredit 9.9%-dən

#BİNA

Nəsimi rayonu Həzi Aslanov küçəsi 55 ünvanında tarixi binaya müdaxilə cəhdi qeydə alınıb. Bundan narahat olan sakinlər məsələyə qarışıb. Həmin qonşu binanın divarından və pəncərəsindən qapı açmağa cəhd edib.

Milli.Az xəbər verir ki, məsələ ilə bağlı Nəsimi rayon MKTB-nin rəisi Nizamı Mayılov bildirdi ki, sözügedən bina 1885-ci ildə tikilib və bir müddət öncə aidiyyatı qurum tərəfindən təmir edilib. Binaya həmin müdaxilə isə qanunsuzdur.

"Ötən gün bir sıra media orqanlarında əsassız, yoxlanılmamış və ictimaiyyətdə yanlış təsəvvür yaradan məlumatlar yer alıb.
Belə ki, Nəsimi rayonu, Həzi Aslanov küçəsi 55 ünvanında yaşayan sakinin evinin blokuna əsas giriş qapısı guya bağlanıb və həmin şəxs mənzilinə pəncərədən daxil olur.

Sözügedən bina 1885-ci ildə tikilib və bir müddət öncə dövlət layihəsi çərçivəsində aidiyyəti qurum tərəfindən təmir olunub. Vətəndaş tərəfindən mənzilin bir mövcüd girişi olmasına baxmayaraq müəyyən məqsədlər üçün əlavə giriş açmaq niyyətində olub. Qeyri-qanuni olaraq binanın konstruksiyasına müdaxilə faktlarının qarşısı dəfələrlə qurumun nümayəndələri tərəfindən alınıb. Məsələ ilə bağlı hüquq-mühafizə orqanlarına müraciət edilib".

Qeyd edək ki, məsələ ilə bağlı hüquq-mühafizə orqanlarına müraciət olunub. Araşdırmalar davam edir.

Aysel Əkbər
Milli.Az