Cəmiyyət

7 min ver, get hirsini çıx - VİDEO

13 Mart 2025 12:40

Baxış: 2 084

VTB-də minimal faiz dərəcəsi ilə nağd kredit 9.9%-dən

#CƏMİYYƏT #VİDEO #PSİXOLOGİYA

Son illərdə populyarlığı artan alternativ terapiya metodları arasında "Aqressiya ritualı" və ya "qışqırıq terapiyası" adı verilən maraqlı üsul yer alıb.

Milli.Az xəbər verir ki, xaricdə təşkil olunan bu seanslara qatılanlar, daxildəki bütün aqressiyanı çıxartmaq üçün dəyənəkləri yerə vurub, qışqırıb stres atmağa çalışırlar. Lakin diqqət çəkən əsas məqam bu qeyri-adi tədbirə qatılmaq istəyən şəxslərin 7000 manat ödəməsindədir.

Sosial mediada sürətlə yayılan görüntülərdə iştirakçıların meşəlik ərazidə toplaşdığı və dəyənəkləri yerə vuraraq qışqırmaları əks olunub.

Əksəriyyəti qadın olan qruplara nəzarət edən şəxs də var.

Elm nə deyir?

"Qışqırıq terapiyası" son illərdə xüsusilə pandemiyadan sonra artan streslə mübarizə axtarışında populyarlıq qazanıb. İstanbulda Belqrad Ormanı kimi boş ərazilərə gedərək qışqırmağı üstün tutanlardan, ABŞ-də futbol meydançalarında "MomScream" kimi kütləvi qışqırıq seansı təşkil edən terapevtlərə qədər bu metod müxtəlif formalarda tətbiq edilir.

Lakin elm dünyasında qışqırıq terapiyasının effektivliyi hələ də mübahisəlidir. Tədqiqatlar qışqırmağın qısa müddətdə rahatlıq hissi verə biləcəyini göstərsə də, uzunmüddətli təsirləri mübahisəli qalır. 2002-ci ildə Ohio Dövlət Universitetində aparılan tədqiqat qum torbalarına vuraraq və ya qışqıraraq hirsini çıxaran şəxslərin sakitləşmək yerinə daha çox əsəbləşdiyini aşkarlayıb. Həmçinin, 2022-ci ildə Aeon jurnalında yayımlanan məqalə qışqırıq terapiyasının aqressiyanı azaltmaq yerinə, daha da artıra biləcəyini irəli sürüb. Lakin bəzi mütəxəssislər, düzgün tətbiq edildikdə qışqırıq terapiyasının emosional rahatlıq təmin edə biləcəyini düşünür.

İsmayıl
Milli.Az

Milli.Az - Xəbər Portalı

7 min ver, get hirsini çıx - VİDEO

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?