Cəmiyyət

Ondan boşanmaq istəyən ərinə 14 min təzminat ödəyəcək

21 Yanvar 2025 14:44

Baxış: 2 239

VTB-də minimal faiz dərəcəsi ilə nağd kredit 9.9%-dən

#CƏMİYYƏT #QADIN #BOŞANMA

İş adamı Murat C. həyat yoldaşını qeyr-adi səbəbə görə məhkəməyə verib.

Milli.Az xəbər verir ki, Ankarada yaşayan və 2020-ci ildə bank işçisi Esra C. ilə ailə quran biznesmen qeyri-adi səbəbə görə arvadından ayrılmaq üçün məhkəməyə müraciət edib.

O, 2020-ci ildə evləndiyi və 4 il evli qaldığı həyat yoldaşı Esra C.-nin ailəsinə qarşı hörmətsizlik etdiyini, onu gündəlik ən az 10 dəfə 10 dəqiqəlik zənglərlə narahat etdiyini, təhqir etdiyini və detektiv tutaraq izlədiyini iddia edərək 150 min lirə maddi, 150 min lirə mənəvi olmaqla, ümumilikdə 300 min lirə ( 14300 manat ) təzminat tələbi ilə boşanma iddiası qaldırıb.

Ankara 4-cü Ailə Məhkəməsində açılan işdə Esra C. ərinin iddialarının əsassız olduğunu və evlilikdən irəli gələn öhdəliklərini yerinə yetirmədiyini bildirərək iddianın rədd edilməsini istəyib.

Məhkəmə cütlüyün boşanmasına qərar verib və ailə təməlinin sarsılmasına səbəb olan hadisələrdə Esra C.-ni əsaslı şəkildə günahkar hesab edərək onun 300 min lirə təzminat ödəməsinə hökm edib.

Esra C. bu qərara etiraz edərək işi apellyasiya məhkəməsinə təqdim edib. Ankara Bölgə Apellyasiya Məhkəməsinin 2-ci Hüquq Kollegiyası isə Esra C.-nin apellyasiya müraciətini rədd edib.

İsmayıl
Milli.Az