Cəmiyyət

Hacı Şahinin yerinə təyin olunan Əli Şərbətov: “Adam üzülür”

2 May 2023 20:36

Baxış: 3 437

VTB-də minimal faiz dərəcəsi ilə nağd kredit 9.9%-dən

#CƏMİYYƏT #DİN #İSLAM

"Düzünə qalsa, Məşədi Dadaş məscidinə imam təyin olunmağımı kədərlə qarşıladım. Hacı Şahin Həsənlinin yerinə gəlməyə görə adam üzülür, o, böyük ustad, böyük alim, hər kəsə örnək idi".

Bu sözləri teleqraf.com-a bu gün Məşədi Dadaş məscidinə imam təyin olunan Əli Şərbətov deyib.

"Lakin bəzi vacib məsələlərə görə razılaşmalı oldum. Hacı Şahinlə şəhidlərimizin anım tədbirlərində tez-tez görüşmüşük, gözəl münasibətimiz olub. Böyük qəlbli bir insanı itirmişik, bu, bizim üçün ağırdır. Allahın dinini hacının dəst-xəttini saxlamaqla çatdırmağa çalışacağıq, əlimizdən gələni edəcəyik. Düzdür, hacının yerini tutmaq mümkün deyil, onun qəlbimizdə ayrı yeri var. O, məsciddə bütün işləri qaydasına qoyub, nizama salıb, vətənpərvərlik aşılayır, dinimizi gözəl şəkildə təbliğ edirdi. Biz də onun bu işini davam etdirməyə çalışacağıq", - deyə qeyd edib.

Milli.Az