Cəmiyyət

ABŞ-dakı erməni təşkilatlarının səfirliyimiz qarşısında fiaskosu - FOTO

16 Sentyabr 2022 08:03

Baxış: 1 462

VTB-də minimal faiz dərəcəsi ilə nağd kredit 10.49%-dən

#ABŞ

15 sentyabrda ABŞ-dakı ifrat millətçi Amerika Ermənilərinin Milli Komitəsi, Erməni Gənclər Federasiyası və digər erməni təşkilatlarının üzvləri Azərbaycanın ABŞ-dakı səfirliyi qarşısında "etiraz aksiyası" keçirib.

Milli.Az "report"a istinadən bildirir ki, "aksiya iştirakçıları" səfirliyimiz tərəfindən Azərbaycan dövlət himni, hərbi marşları və vətənpərvərlik mövzusunda olan musiqi nömrələri, erməni işğalı və vəhşiliyini nümayiş etdirən, habelə "Qarabağ Azərbaycandır!" şüarları əks olunmuş plakatlarla olduqca "isti qarşılanıb".

Səfirlik tərəfindən quraşdırılmış həyəcan siqnalı ermənilərin planlarını pozub. Belə ki, səsləndirdikləri əsassız şüarlarını özləri belə eştiməkdə çətinlik çəkiblər.

Ermənilər xislətlərinə uyğun olaraq, özləri ilə gətirdikləri və təhrif olunmuş məlumatlar yazılmış plakatlar və qondarma "bayraqlarla" səfirliyin fonunda şəkil çəkdirməyə çalışıblar.

Lakin bu zaman da istəklərinə nail ola bilmədən, plakatlarını da qoyub uzaqlaşmaq məcburiyyətində qalıblar. Bununla belə, Azərbaycan bayrağı daim yüksəklərdə dalğalanıb və dövlət himninin sədaları ucalardan eşidilib.

Qeyd edək ki, aksiya zamanı səfirliyin ərazisinə müdaxilə olmayıb və ermənilərin "mənalı" aksiyası yekunlaşıb.

Milli.Az