"Şaxta baba"nın mövcud olmadığını uşağa necə demək olar?

Uşağa Şaxta babanın mövcudluğunu demək və ya bu mövzuda oyun yaratmaq uşağın xəyal gücünü və emosional inkişafını dəstəkləyir.

Milli.Az xəbər verir ki, bunu psixoloq Kira Qoldşteyn açıqlamasında bildirib.

"Uşaqların möcüzəyə inanması sadəcə oyun deyil, həm də onların qorxularla mübarizə aparmaq və çətin görünən dünyada özünə dayaq tapmaq üsuludur.

Onlar Şaxta babanın mövcud olduğuna o qədər inanmalıdırlar ki, onlara lazımdır. Bəziləri 6-7 yaşında bu inancı itirir, bəziləri isə 10-11 yaşa qədər saxlayır. Bu, uşağın inkişafının təbii mərhələsidir və infantalizmlə bağlı deyil. Fantaiziya uşağa çətinlikləri aşmağa kömək edir və ona ümid verir ki, hər şey yaxşı olacaq.

Psixoloq əlavə edib ki, bu "kiçik yalan" təhlükəli deyil. Əksinə, uşaq üçün təsəvvür və emosional sabitliyi inkişaf etdirmək üçün lazımdır. Valideynlər uşağa Deda Morozun həqiqi olduğunu desələr, onu xeyirxahlığın, arzuların reallaşdığı bir dünyaya dəvət etmiş olurlar. Bu yalan deyil, sadəcə birgə oyun və yaradıcı fəaliyyət, uşağa yaxşıya inanmağa köməkdir.

Uşaq tədricən şübhələnməyə başlayanda isə valideynlər ona yumşaq və düzgün açıqlama verməlidirlər:

"Bəli, sən böyümüsən və indi hər şeyin necə olduğunu bilirsən. Amma möcüzə qalır, çünki biz onu birlikdə yaradırıq. İndi sən də Şaxta baba rolunu oynaya bilərsən və kiçik qardaşlarına və bacılarına möcüzə bəxş edə bilərsən."

Qoldşteyn qeyd edib ki, uşaqlıqla birlikdə inam və xeyirxahlıq yox olmur, sadəcə forması dəyişir. Uşaq əvvəllər ağac altından hədiyyə gözləyirdisə, böyüdükdə başqalarına sevinc bəxş edir. Və inam saqqal və çubuqla bağlı deyil, yaxşı görmək və ümid etmək bacarığıdır.

Sadə desək, uşağa Şaxta babanın mövcudluğunu demək və ya bu mövzuda oyun yaratmaq uşağın xəyal gücünü və emosional inkişafını dəstəkləyir. Yavaş-yavaş uşağın şübhələri artırsa, düzgün izah onu böyüklük roluna keçirir və məsuliyyət hissini formalaşdırır.

İsmayıl
Milli.Az