Cəmiyyət

İsmayıllıda şəhərdaxili işləyən avtobuslar yoxa çıxıb - Səbəb nədir? - VİDEO

18 Avqust 2022 16:30

0 Şərh Baxış: 943

VTB-də minimal faiz dərəcəsi ilə nağd kredit 10.49%-dən

#CƏMİYYƏT #VİDEO

Bir müddətdir ki, İsmayıllı rayonunda şəhərdaxili avtobusların fəaliyyətində ciddi problem yaranıb. Əksər avtobuslar yoxa çıxıb.

Nəticədə piyadalar istədikləri ünvanlara ya piyada gedir, ya da taksidən istifadə edirlər.

Milli.Az Xəzər Xəbər-ə istinadən xəbər verir ki, avtobusların işləməməsi sakinlərin narazılığına səbəb olub.

İsti havalarda ictimai nəqliyyatın yoxluğundan hər kəs əziyyət çəkir. Hər dəfə taksidən istifadə etmək isə sərfəli deyil.

Məsələ ilə bağlı avtobusların aid olduğu "As Finance" MMC-dən bildirilib ki, nəqliyyat vasitələri köhnə və istismara yararsız olduğundan xəttdən çıxarılaraq təmirə göndərilib.

''Hazırda şirkətin yalnız 1 avtobusu sərnişinlərə xidmət göstərir. Təmir bitdikdən sonra avtobuslar yenidən xəttə buraxılacaq və əvvəlki qrafiklə fəaliyyət göstərəcəklər'',- deyə məlumatda bildirilib.

Mövzu ilə bağlı daha ətraflı videomaterialı təqdim edirik:

Milli.Az