Cəmiyyət

“Qiyamət günü olduğunu düşündüm” - Tərtərdə 3 yaşlı uşağı öldürüb azadlıqda qaldı

21 May 2022 21:54
6 Şərh     Baxış: 1 605

Tərtərdə 3 yaşlı uşağı öldürən rayon sakini Elmir Hüseynov cinayət məsuliyyətindən azad edilib.

Milli.Az "qafqazinfo"-ya istinadən xəbər verir ki, hadisə 2020-ci ilin iyulunda baş verib və məhkəmə çəkişməsi bir neçə gün öncə yekunlaşıb. Gəncə Ağır Cinayətlər Məhkəməsi E.Hüseynovun cinayəti anlaqsız vəziyyətdə törətməsi qənaətinə gəlib və ona cəza verilməyib.

Hadisə günü Elmir xalası oğlu ilə birlikdə etdiyi Hacıqərvənd kəndində yerləşən marketin qarşısına gələrək, orada qeyri-adekvat davranışlar nümayiş etdirib. Belə ki, o, mağazanın qabağında dayanan "VAZ 2107"ni görüb "məni bu avtomobildə olan şəxslər öldürəcəklər" deyərək qışqırıb. Xalasıoğluna "qoyma, atam məni güllələmək istəyir, qaç sən də özünü qoru, birdən güllə sənə də dəyər"deyib. Sonra marketə girib satıcı Raminə "icazə vermə ki, məni öldürsünlər, Allahu Əkbər, namaz qılmağına baxmayaraq sənin nisyə dəftərin var" deyərək qışqırıb. Əlindəki bıçaqla ətrafdakı insanları hədələyib.

Daha sonra marketdən çıxıb yaxınlıqda yaşayan qohumu Təhmasib gilə gedib. Evin pəncərəsini sındırıb onlara "sizi öldürəcəm, hardasınız, bura gəlin" deyib. Həmin vaxt Təhmasib evdə olmadığından həyat yoldaşı Ləman (şərti ad) özünü və uşaqlarını qorumaqda çətinlik çəkib. Elmir həyətdən götürdüyü ketmanla əvvəlcə 4 yaşlı qızı vurmaq istəyib. Bu zaman ana qızını müdafiə edərək özünü zərbənin qabağına verib. Elmirin dayanmasından istifadə edərək qızını tez evə çıxararaq qapını bağlayıb. Bu zaman Elmir bağda oynayan 3 yaşlı Öməri görüb. Uşağı vurmaq üçün onun üzərinə gedib. Uşaq qaçmaq istəyərkən yıxılıb. Ana uşağını müdafiə etmək istəyəndə Elmir onun başından vuraraq huşunun itməsinə səbəb olub. Həmin ərəfədə isə 3 yaşlı oğlanın başına  və bədəninə çoxsaylı zərbələr vurmaqla xəsarət yetirib. Ana ayılanda uşağın qan içində olduğunu görüb. Uşağı xəstəxanaya çatdırsa da, 3 yaşlı Ömər gecə xəstəxanada vəfat edib.

Hadisə ilə bağlı məhkəmədə dindirilmiş Elmir Hüseynov hadisənin hansı şəraitdə baş verməsini tam xatırlamadığını deyib: "10 ildir qəssab işləyirəm. 3-4 il əvvəl Təhmasibin anası rəhmətə gedəndə onlarda olmuşam. Hadisə günü günortaya kimi ət satmışam, sonra yoldaşımı diş həkiminə aparmışam. Sonra da xalamoğlu Eminlə Hacıqərvəndə getmişik. Raminin işlətdiyi mağazaya çatanda özümü narahat hiss etdim, başım dumanlandı. Maşındakı bıçağı götürüb mağazaya girdim, kiminsə üstümə gəldiyini düşünərək "məni sən başa düşərsən, qardaşın da gəlir, qoyma" deyib Raminin üstünə qışqırdım. Emin və Ramin məni saxlamaq istəyəndə əllərindən qaçıb mağazadan çıxdım, qiyamət günü olduğunu düşünərək "Allahu-əkbər, Allahu-əkbər" deyib qışqırdım. Bundan sonra baş verənləri xatırlamıram. Ancaq şüşənin qırılma səsini eşitdim. Özümə gələndə təcili yardım çağırılmışdı, mənə iynə vuruldu, gecə atam polis şöbəsinə getməli olduğumuzu dedi. Ramin din adamı olduğundan məni başa düşəcəyini fikirləşmişdim. Qiyamət günü olduğunu, balanı anadan ayırdıqlarını düşündüm, əcaib, xoşagəlməz səslər eşitdim".

Qadın oğlunun vurulması epizodunu belə xatırlayıb: "Başımı həyətə çevirəndə Ömərin ağacların arasından baxdığını gördüm. Bu zaman Elmir evin qarşısında "bura gəlin, sizi öldürəcəm" deyə qışqırdı. O əlində ketman Ömərin üstünə getdi, Ömər armud ağacına tərəf qaçanda ayağı ilişib yıxıldı. Elmir birinci Öməri vurmadı. Məni vurmağa başladı.  Həmin vaxt huşum getdi. Başımı qaldıranda Ömərin başından qan axdığını gördüm, onu qucağıma alıb yola qaçdım. Qonşunun maşını ilə Öməri Tərtər xəstəxanasına apardıq. Gecə saatlarında Ömər dünyasını dəyişdi".

Araşrımalar zamanı məlum olub ki, Elmir Hüseynov 2012-ci ildə yol qəzası keçirib və qapalı kəllə-beyin travması alıb. Huşsuzluq və baş ağrıları ilə əlaqədar müalicə olunub. Lakin o, bu vaxtadək hər hansı ruhi-əsəb və narkoloji xəstəliklərlə bağlı müraciət etməyib və dispanser qeydiyyatında olmayıb. Məhkəmə Psixiatrik Espertiza Mərkəzinin rəyinə əsasən, Elmir cinayəti törədərkən depressiv tipli üzvi affektiv pozuntudan əziyyət çəkib.  "Üzvi şizofreniyayabənzər pozuntu" formasında kəskin psixotik vəziyyət keçirib. Tərtər rayon polis şöbəsinin məktubundan isə aydın olub ki, Elmir cinayətdən əvvəl kannabinoid narkotikindən istifadə edib.

Təqsirləndirilən şəxs əməli anlaqsız vəziyyətdə törətdiyindən cinayət məsuliyyətindən azad edilib. Ona psixiatriya stasionarında məcburi müalicə təyin olunub.

Milli.Az

İllik 14.5%-dən 30 000 manat zaminsiz komissiyasız kredit

Şərh yaz:

6 Şərh:

  • Anonim
    Meto hüquqşünas · 21 May 22:0920

    Narkotik uçurub, o əclafı azad eləmək düz deyil. Narkotikin təsirindən cinayət törədib

    Cavab yaz
  • Anonim
    Mən · 21 May 22:1410

    Çox nahaq azad edilib.Vurub xalxın uşağını öldürsün,sonra da cəzasız qalsın?Bu ədalətsizlikdir!Bu parabeyini niyə belə boş buraxıb yaxınları?Belə adamlar gəzən,potensial təhlükədir.İnsanlardan mümkün qədər aralı olmalıdır.Yazıq uşaq,bir narkomanı n qurbanı oldun((((

    Cavab yaz
  • Anonim
    Jale · 21 May 22:1820

    Yox bir əşşi ,dəlidir dəlixanada yatsın ,bele adamı necə azadlıqa buraxirsiniz??? İraq olsun bəlkə başqa uşaqın ölümune səbəb olacaq. Yazıq uşaq əlin qurusun o uşaqı öldürən yerde

    Cavab yaz
  • Anonim
    @ · 22 May 09:4710

    Bu psixin yaxınlarını həbs etmək lazımdır ki bu şizofreni özbaşına buraxıblar. Belə adamı küçəyə buraxmaq olmazdı. Yazıq anaya yaşatdığı dəhşətə bax. Allah bəlanı versin. Dəlisən get özünü öldür.

    Cavab yaz
  • Anonim
    @ · 22 May 09:5210

    Bu şizofren Təhmasibin həyətinə girəndə onun xalası oğlu ya orda kim vardısa niyə arxasınca gəlməyiblər?

    Cavab yaz
  • Anonim
    Papatya · 22 May 16:2530

    Ay Allah urəyim sıxıldı oxuyub. Dəlisən bala, ozunu öldür də, yanindaki xala oğlunu, nə bilim dişçiyə apardığın arvadını ve.s camaatin balasi ile nə işin var. Omərin anasi gəl indi bunu tut parça parça ele, oğlunun ölümünden sonra, sarsıntı keçirib anlaqsiz vəziyyətdə olub deye görüm səni azad edirlermi? yaziq usaq, anasi((((

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics