Cəmiyyət

Azərbaycanda hər saatda 4 nəfər boşanır - Daha çox kimlər xəyanət edir, QADINLAR, yoxsa KİŞİLƏR?

22 May 2022 02:43
3 Şərh     Baxış: 2 854

Son 2 ayda ölkədə 2505 boşanma hadisəsi qeydə alınıb. Bu isə günə təqribən 40 boşanma halı deməkdir.

Pandemiya bitir, elə isə indi boşanma hadisələrinin səbəbi nədir?

Milli.Az xəbər verir ki, bizim.media-ya danışan psixoloq Gülnarə Orucova da boşanmalar hər gün artmaqda davam etdiyini deyib:

"Bunun səbəbi sırf pandemiya deyil. Bu gün boşanmaların nəinki sayının artması, müddəti də azalıb. 6 ay, 8 ay evli qalan insanlar boşanmaya gedir. İli tamam olmayan nikahlar var ki, heç o nikahın bitməsi üçün boşanmaya getməyin mənası olmur".

Psixoloq deyir ki, müşahidələrinə görə, hal-hazırda boşanmaların əsas motivi xəyanətdir: "Tez-tez sual verirlər ki, siz niyə sosial şəbəkələrdə yetişkinlərlə olan seanslarınızı paylaşmırsınız. Çünki daha çox xəyanət motivli müraciət edən ailələrdir, xüsusilə də qadınlar "həyat yoldaşım mənə xəyanət edir" deyə gizli müraciət edir. Əslində psixoloqa gizli müraciət olunmamalıdır. Psixoloqa əgər müraciət edirsənsə, həyat yoldaşınla birgə gəlməlisən. Siz artıq boşanma mərhələsinə kimi gəlib çıxmısınızsa, psixoloqa gizli gəlməyin nə mənası var?".

Ekspert müasir dünyanın insanlarda yaratdığı yalançı hissiyatdan da danışıb:

"Bu gün insanlar seriallara baxırlar, şəhərə çıxırlar ki, kinoda da, şəhərdə də insanlar gözəl yaşayır, geyinir. Onlar elə bilir ki, şəhərdə gördüyü insanlar hər gün gəzirlər. Xüsus ilə qadınlarımız bu düşüncədədir. Əslində isə belə deyil. İnsanlar yaxşı yaşamaq uğrunda sanki mübarizəyə çıxıblar. Bir çox qadın düşünür ki, mən həyat yoldaşımdan ayrılsam, sərbəst və rahat olacam, istədiyim kimi yaşaya biləcəm. Diqqət etsəniz, əxlaqsız qadınların və estetik əməliyyatların da sayı artıb".

Boşanmaların sayının artmasında ailə-məişət problemlərinin də rolu var. Psixoloq bildirir ki, xəyanətlər, bu cür düşüncələr məişət zorakılığını da artırıb.

Bu bir müddət belə olacaq, sonra daha dəhşətli bir mərhələ gələcək:

"Güclü cins geri çəkiləcək və məsuliyyətdən də qaçacaq, onda cəmiyyətin faciəsi daha da çoxalacaq. Hazırda isə qadına qarşı zorakılıq iki cins arasında yerlərin müəyyən edilməsi uğrunda mübarizənin nəticəsidir. Dünyada gedən tendensiyalara baxsaq, qadınlar udacaq, amma nəticə etibarı ilə cəmiyyətdə uzun müddət xaos yaranacaq. Bunu istəyən qüvvələr var. 

Eləcə də maddi durumun da aşağı olması boşanmalara səbəb olur. Maddi durum aşağı olanda qadınla kişi arasında tez-tez söz-söhbət yaranır. Amma boşananlar arasında kifayət qədər imkanlı olan insanlar olduğunu da unutmamaq lazımdır".

Psixoloq valideyn-uşaq münasibətlərinə də toxunub.

"Gənclər valideyn sözü eşitmirlər. Ağsaqqal, ağbirçək dinləmirlər. Əsasən, qız anaları qızlarına istiqamət verməlidirlər. Hər bir insan ailə quranda müəyyən problemlərlə üzləşir, amma bu o demək deyil ki, heç nə olmadan valideynlər övladını ayırmalıdır ki, mənim övladım buna layiq deyil. Çətinliklə də olsa, ailəni qorumaq lazımdır".

Milli.Az

İllik 14.5%-dən 30 000 manat zaminsiz komissiyasız kredit

Şərh yaz:

3 Şərh:

  • Anonim
    asi · 22 May 10:5111

    Maddi durum deyəndə ki, qız ərə getdiyi oğlanın vəziyyətini əvvəldən bilir, əgər qane etmirsə, getməsin, gedibsə, qane olsun, ərinin cibinə uyğun yaşamağa vərdiş etsin, hətta özü də işləməyə cəht etsin ki, ailənin maddi durumu normal olsun, ta nə hoqqa çıxarır..Azərbaycanda 90-cı illərin maddi çətinliyi indiyədək heç vaxt olmayıb, amma onda ailələr indiki kimi boşanmırdı, əksinə daha da möhkəm idi..Əziyyətdən, zəhmətdən qaçmırdılar..Xanımların brend geyimi mariana corab idi, abır həyaları, ailə məsuliyyəti isə, yüksək səviyyədə idi..İmkanlar genişləndikcə, hər şey əl çatan olduqca həm oğlanlar, həm qızlar məsuliyyət daşımaqdan qaçdı..Sərbəst həyat istəyən ərə getməsin, xəyanət sevən evlənməsin..Həmin o sərbəstliyi arzulayan qızla xəyanəti sevən oğlan evlənmədən də bir-birləri ilə gün keçirə bilər..Biri sərbəstliyini, digəri istəyini təmin edər..O tip insanların ailə qurub, boşanıb, cəmiyyətdə tarazlığı pozmaqlarına gərək yoxdur..

    Cavab yaz
  • Anonim
    Bəhi asi yə · 22 May 18:3020

    Yeni (özələşmə və s.) islahatlar cəmiyyəti sağlam-monolit etmək əvazinə Amoralizmə, şoumodernə, məhvə gedən tək ulduzlardan qeyri əksəri də faciəvi taleyə yuvarlanır? Təlim-davranış-tərbiyə hövsələli nənəli-babalı toplam ailələr demək olar ki, yoxdur! Davranış və tərbiyə kursu verməmiş baxçalar artıq, məktəbə hazırlıq təhsil-tədrisi verir? Heç APARICI EKSPERTlər çox məfhumu seçə bilmirlər? Təlim-davranış-tərbiyə məktəbəqədər dövr sayılırdı! Təhsi-tərbiyə-ümumi təlim məktəbin vəzifəsi idi? Həyata hazır yeniyetməni üç yeni mühit gözləyirdi-Ali Təhsil, Orta İxtisas Təhsili və ya Peşə Təlimi? Məncə, baxçaça və tam orta təhsil dövlət məsuliyyətidir! Ali Təhsil birbaşa nazirliklərin elmi-texniki inkişafı, Orta İxtisas nazirliyin isehsal-texnoloji tərəqqisi, Peşə təlimi isə onlara yüksək məhsuldarlığın təminatı üçündür. Bu tip münasibətləri nə Alim, nə Məmur, nə Ekspert belə otuz ildə dəyərləndirməyibsə, ailələr və ya iqtisadiyyatda yığcamlığa zəmin varmı?

    Cavab yaz
    • Anonim
      asi · 22 May 21:0801

      İndiki təhsil heç təlim-tərbiyədəki, ailə dəyərlərindəki bərbadlıqdan geri qalmır..4-5 yaşlı uşağı baxçada təhsilə yönəltməklə heç də gələcəyin savadlı kadrı əldə etmək olmaz, əksinə uşaqlar daha da kütləşir..Mən 7 yaşdan tez orta məktəb təhsilinə başlamağın qətiyyən əlehinəyəm..İnkişafın düzgün qurulması uşaqları təhsildə düzgün yönəltməkdən asılıdır..Bu sahədə ən gözəl nümunə Yaponiya təhsil sistemidir..Qalan digər bir çox problemlərin yeganə həlli yolu, millətin malik olduğu milli, əxlaqi, mədəni dəyərləri əsasında tərbiyə üsulu seçməkdir..Hətta ibtidai siniflərdən başlayaraq milli dəyərləri əhatə edən xüsusi dərslər keçilməlidir, başqa ölkələrdə belə üsul var..Uşaqlarda milli ənənə və mental dəyərlərə marağı artırtmaq, bağlılıq yaratmaq lazımdır..Bizə yad xüsusiyyətlərlə böyüyən uşaqların əxalaqını, tərbiyəsini müəyyən yaşdan sonra idarə etmək çətin olacaq..Mentalitet qorxusu azaldıqca əxlaqsızlıq hər gün daha da sərbəstləşir, özünü güvəndə və azad hiss edir..

      Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics