Cəmiyyət

Bir ildir atalarını görmürdülər - Qazi ailələri Türkiyəyə aparıldı - VİDEO

30 Dekabr 2021 12:18

1 Şərh Baxış: 2 236

VTB-də minimal faiz dərəcəsi ilə nağd kredit 10.49%-dən

#VİDEO

"YAŞAT" Fondu tərəfindən Türkiyədə müalicəsi davam etdirilən yaralananların ailə üzvləri üçün xüsusi layihə rellaşdırılıb.

Layihə çərçivəsində Türkiyədə müalicəsi davam etdirilən 7 yaralı ailəsinin 19 ailə üzvünün həmin ölkəyə 26 dekabr - 2 yanvar tarixində səfəri reallaşdırılır. Məqsəd 31 Dekabr - Dünya Azərbaycanlılarının Həmrəyliyi Günündə və Yeni il bayramında qazilərimizin ailə üzvləri və yaxınları ilə birlikdə olmalarını təmin etmək, onlara xoş bayram sevincini yaşatmaqdır.

Milli.Az bildirir ki, səfər çərçivəsində Türkiyədə müalicə alan qazilərimizin ailə üzvləri ilə görüşləri baş tutub.

Həmçinin səfər çərçivəsində yaralılarımızın və onların ailə üzvlərinin iştirakı ilə Dünya Azərbaycanlılarının Həmrəyliyi Günü və Yeni il bayramı münasibəti ilə şam yeməyi və xüsusi proqram təşkil olunub.

Yaralılarımızın ailə üzvləri təşkil edilən səfərə görə "YAŞAT" Fonduna və layihənin reallaşdırılmasına dəstək göstərən qurumlara təşəkkürlərini bildiriblər.

Səfərdə iştirak edən "YAŞAT" Fondunun əməkdaşları, həmçinin Türkiyədə ağır yaralılarımızın müalicə şəraiti və proseduru ilə maraqlanıb, həkim heyəti ilə görüşlər keçiriblər.

Görüşlər zamanı ağır yaralılarımızın müalicəsi istiqamətində ciddi irəliləyişlərin olduğu müşahidə olunub.

Dəstəkçilər: "Azərbaycan Hava Yolları" QSC, Azərbaycan Diasporuna Dəstək Fondu, "PAŞA Həyat Sığorta", Azərbaycan Respublikasının İstanbul Şəhərindəki Baş Konsulluğu, Türkiyə-Azərbaycan Dərnəkləri Federasiyası

Xatırladaq ki, "YAŞAT" Fondu tərəfindən ümumilikdə 157 ağır yaralı müalicə edilməsi məqsədi ilə Türkiyə Respublikasına göndərilmiş, onlardan 116-sı ölkəyə geri qayıtmışdır. Hazırda 41 ağır yaralının müalicəsi Türkiyə Respublikasında davam edir.

Milli.Az