Şou-biznes

Əməkdar artistdən sərt tənqid: "Soyunmaqla məşhurlaşmaq moda olub"

5 Oktyabr 2025 12:00

Baxış: 1 698

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #ƏMƏKDAR ARTİST

Əməkdar artist Gövhər Rzayeva sosial mediada yayımlanan bəzi görüntüləri və televiziya verilişlərində efirə çıxarılan simaları kəskin tənqid edib.

Milli.Az xəbər verir ki, tanınmış qarmon ifaçısı "Rəngarəng" proqramında TikTok platformasında paylaşılan yemək videolarından narahatlığını ifadə edib:

"Bəzi insanlar sosial şəbəkədə yemək yeyərkən çəkilib paylaşırlar. Bunu niyə göstərirsiniz? Kiminsə imkanı yoxdur, o baxıb arzulaya bilər. Bu, xoş olmayan haldır."

Gövhər Rzayeva, həmçinin televiziya kanallarının səviyyəsiz musiqi ifaçılarına yer verməsini də tənqid edib. Aparıcı Zaur Nəbiyevə müraciət edərək bu sözləri deyib:

"Televiziyada sənəti olmayan insanlara yer verirsiniz. Onları siz tanıtdırırsınız. İndi soyunmaqla gündəmə gəlmək moda halını alıb."

Əməkdar artistin bu fikirləri sosial mediada rezonans doğurub və sənətə olan yanaşmanın dəyişməsinə dair ciddi müzakirələrə səbəb olub.

Kənan
Milli.Az