Şou-biznes

"10 nəfər mənə və dostuma hücum etdi" - VİDEO

4 Avqust 2021 19:50
0 Şərh     Baxış: 2 458
VTB-də minimal faiz dərəcəsi ilə nağd kredit 9.9%-dən
#ŞOU-BİZNES #YANĞIN #TÜRKİYƏ ŞOUBİZNESİ

Türkiyəli müğənni Yusuf Güney meşə yanğınlarının baş verdiyi ərazidə havaya silah açmasının səbəbinə aydınlıq gətirib.

Milli.Az axşam.az-a istinadən xəbər verir ki, ifaçı İnstaqram hesabında açıqlama yayaraq yanğınları söndürərkən məmurlar tərəfindən şiddətə məruz qaldığını bildirib:

"Meşələri qəsdən yanmağa tərk edən cahil insanlara söz dediyimə görə 10 nəfər mənə və dostuma hücum etdi. Sözdə meşənin bölgə müdirliyinin komandasından olduğu deyilən əxlaqsız canilərin əlindən qurtulmaq, can təhlükəsizliyimiz və dostuma hücum etdiklərini görüb, maşınımdakı silahı götürdüm. Bir vaxtlar, bəli, bunu heç vaxt açıqlamamışam, təhdid aldığım terrorçulardan qorunmaq üçün qeydiyyatda olan bu silahımla havaya 2 dəfə atəş açdım.

Qəzəbi hələ də səngiməyən və bizi vurmağa davam edən canilərə qarşı daha da irəli getməmək üçün silahımın bankasını götürüb dostuma təhvil verdim və o əsnada hələ də döyülürdük.

Polis köməyimizə gəlməsəydi, hazırda komada olardıq. Paylaşdığım videolarda nəyin doğru, nəyin yanlış olduğunu görüb qərar verin. Bu vəziyyətdə nə qədər qurban olsam da inciməmişəm. Hər kəs pərişan, gərgin, əsəbi, empati qurub anlayışla qarşılamaq lazım. Amma iş məhkəməyə verildi, gözləyəcəyik, işimin başındayam, mübarizəmi davam etdirəcəyəm".

Qeyd edək ki, Yusuf Güney havaya atəş açdıqdan sonra polislər tərəfindən saxlanılaraq bölməyə aparılıb. İfadəsi alınan müğənni daha sonra sərbəst buraxılıb.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.