Şou-biznes

Pandemiyada restoran açanlar, biznesi batanlar - Siyahı

18 May 2021 17:48
Baxış: 1 126
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Bir ildən çoxdur pandemiyaya görə toyların qadağan edilməsi müğənnilərin də maddi sıxıntılar yaşamasına səbəb olub. Onlardan bəzilərinin əlavə qazanc yeri olsa da, bir çoxları tək gəlirinin oxumaqdan olduğunu deyib. Bir çox ifaçı isə pandemiyada əlavə biznes qurmaq eşqinə düşüb.

Milli.Az axşam.az-a istinadən xəbər verir ki, sənət adamlarının çoxu isə restoran biznesinə başlayıb. Pandemiyada əlavə iş quran məşhurları təqdim edirik:

Müğənni Xuraman Şuşalı əvvəl xına məclislərinin təşkili ilə məşğul olurdu. İndi isə sənətçi evlərdə təşkil edilən məclislərə yeməklərin hazırlanması işinə başlayıb. O, açıqlamasında bunun üçün aşpazlar işə götürdüyünü, salatlar, yeməklər hazırlayıb satdığını deyib. Bununla kifayətlənməyən Xuraman kafe açmağa hazırlaşdığını söyləyib. 

Bişirdiyi şirniyyatları hər dəfə İnstaqram səhifəsində paylaşan müğənni Sevda Sanəliyeva da kafe açmaq qərarına gəlib. O, kiçik kafesində təamları özü hazırlayacağını deyib.

Müğənni Niyam Salami də restoran biznesinə başlayıb. Bir vaxtlar aşpaz çalışan ifaçı öz məkanında səhnəyə də çıxır.

Rəqqasə Rəna Ağamuradova da kiçik kafe açıb. Yalnız şirniyyat və qəhvədən ibarət olan məkan şəhərin mərkəzində yerləşirdi. Amma rəqqasənin biznesi uzun çəkməyib. Bir müddət sonra o, məkanını bağlamalı olub.

Gözəllik salonu, rəqs məktəbi olan rəqqasə Fatimə Fətəliyeva da pandemiyada kafe açdı. O, hələ böyük bir restoran açmağa hazırlaşdığını da söyləyib.

Əməkdar artist Könül Kərimova isə Rusiyada xına evi açıb. O, Moskvada keçirilən xına məclislərini özünün dekorasiya edəcəyini bildirib.

Müğənni Mənzurə Musayevanın isə pandemiyadan əvvəl açdığı gözəllik salonu bağlanıb. Sənətçi Sumqayıtda fəaliyyət göstərən mərkəzini işlədə bilməyib.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.