Şou-biznes

Röya ilə Natavan eyni pariki taxıbmış - Anar açıqladı

4 May 2020 13:29
5 Şərh     Baxış: 3 201
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Stilist Anar Ağakişiyev Xalq artisti Röya Ayxan və müğənni Natavan Həbibi arasındakı saç qalmaqalına münasibət bildirib.

Milli.Az Axşam.az-a istinadən xəbər verir ki, sənətçi ərsəyə gətirdiyi obrazın qalmaqala səbəb olması barədə ATV-də yayımlanan "Birlikdə güclüyük" verilişində danışıb:

"Təklif Röyadan gəldi. İstəməzdim belə müqayisə olunsun. Karantin vaxtı söylədi ki, fotosessiya edək. Dedim ki, düşünüm görüm səni hansı obrazda görürəm. Röya indiyədək hər şeyi etmişdi, amma qara uzun saçları olmamışdı. O da səs-küyə səbəb oldu. Bu fotodan sonra sosial şəbəkədə koronavirusu unutmuşdular.

Röyanın fotosessiyasına istifadə etdiyim saçı həmkarlarımın birindən aldım. Mağazalar bağlıdır deyə, dedim ki, varsa, mənə ver. Çox peşman oldum. 21 apreldə pariki taxdıq, fotosessiya etdik. Sonra həmin həmkarım 25 apreldə eyni pariki Natavana taxıb. İstədilər ki, məsələni guya biz onlardan sonra etmişik kimi fırlatsınlar. Bu, gülməli qalmaqaldır. Natavan həmişə uzun və qara saçlarda olub, burada qeyri-adilik yoxdur. Rihanna da bir neçə gün öncə belə uzun saçlarla fotolar paylaşıb. Bu, o deməkdir ki, o da Röyadan götürüb? Bunu etməyə ehtiyac yoxdur. Bunu edib Röya, bənzərlik sıfırdır. Röyada tamam başqa cür, Natavanda başqa cür. Hamı yaşa dolub, belə xırda işlərlə məşğul olmaq lazım deyil. Natavan bilməli idi ki, bu pariki Röya taxıb, istifadə etməməli idi".

Qeyd edək ki, Röya və Natavan son günlər sosial şəbəkədə imicləri ilə bağlı fotolar paylaşaraq, bir-birinə söz atır. Bir neçə gün əvvəl isə Natavan 2015-ci ildə lentə alınan görüntüsünü yerləşdirərək, bu saç düzümünü hələ 5 il əvvəl etdiyini vurğulayıb.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.