Şou-biznes

Tanınmış aparıcı nazirin səsini bəyənmədi - VİDEO

18 Sentyabr 2019 14:37
0 Şərh     Baxış: 3 204
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Bu gündən etibarən Azərbaycanda beynəlxalq televiziya layihəsi "Səs uşaqlar"ın seçimlərinə start verilir.

Milli.Az axşam.az-a istinadən bildirir ki, bu barədə İTV-nin Musiqi departamentinin rəhbəri, aparıcı Leyla Quliyeva "3 D" verilişində bildirib.

L.Quliyeva deyib ki, yarışmanın seçim turları ilk olaraq Ağdamın Quzanlı qəsəbəsində başlayacaq:

"Bilirsiniz ki, 18 sentyabr Azərbaycanda Üzeyir Hacıbəyovun doğum günü ilə əlaqədar Milli Musiqi Günü kimi qeyd olunur. Buna görə də fikirləşdik ki, kastinqlərə musiqinin beşiyi olan Qarabağda başlayaq. Bütün səsi olanları seçimlərə dəvət edirəm".

Verilişdə robot-aparıcı Dadaş Dadaşlinski Leyla Quliyevaya bəzi səsləri dinlədəcəyini bildirib. Bir neçə səsin arasında isə müdafiə sənayesi naziri Mədət Quliyevin də ifası yer alıb.

Aparıcının "Münsif olsaydınız, bu səsə dönərdinizmi" sualına Leyla Quliyeva "yox" cavabını verib. "Sizə belə bir səs lazım deyil" sualına isə xanım aparıcı gülərək, "Səs yox, güc lazımdır" cavabını verib.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.