Şou-biznes

Röya Aygünün klipini primitiv adlandırdı

7 Yanvar 2010 15:09
Baxış: 1 430
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən
Son günlər yaranan situasiyalar gərginliyi pik həddinə çatdırıb. Bir mahnını böluşə bilməyən sənətçi xanımlar bir-birinin ünvanlarına kəskin ifadələr səsləndirirlər.

Xatırladaq ki, Faiq Sücəddinovun bəstəsi olan "Təkcə səni" mahnısını hər iki müğənni  ifa edib. Mahnı əvvəlcə Aygün Kazımovaya təqdim olunub. Müğənninin bir il davam edən sükutunun ardından, bəstəkar mahnını bu dəfə Röyaya etibar edib. Bundan xəbər tutan Aygün xanım isə dərhal mahnını oxumaqla onu gündəmə gətirib.

Daha sonra Röyanın "Təkcə səni"ni ekranlaşdırmağa hazırlaşdığını eşidən A.Kazımova bu dəfə də onu qabaqlamaq fikrinə düşüb. Dərhal klipmeyker Fuad Əlişovun komandasını bir araya toplayıb, bir gecənin içində kilp çəkdirib. Bəyan edib ki, klip çəkmək ideyası Fuada məxsusdur və o, xanım sənətçiyə bunu hədiyyə edib.

Röya isə tələsmir. O, Milli.Az xəbərlər portalına açıqlamasında bildirib ki, öz "Təkcə səni"ni  yaxın həftələrin birində ekranlaşdıracaq. Röya eyni zamanda, rəqibinin bir günə çəkdirdiyi klipi primitiv ekran işi adlandırıb: "Yerə pərdə atıb, klip çəkdirməyə nə var. Bu cür asan ssenari ilə mən həftədə iki klip çəkdirərəm. Mən primitiv bir ekran işi ərsəyə gətirməyəcəm. Mənim işim həmin müğənninin klipindən qat-qat yüksəkdə olacaq və fərqlənəcək".

Aygün Kazımovanın onun uğurlarını həzm edə bilmədiyini açıq şəkildə bəyan edən Röya öz cavabını həm sözü, həm də yaradıcılığı ilə verəcəyini deyib.

Xədicə
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.