Hadisə

Yasamal və Nizami rayonlarının bəzi ərazilərində işıq kəsiləcək

30 İyun 2026 09:25
Baxış: 323
VTB-də minimal faiz dərəcəsi ilə nağd kredit 9.9%-dən

Bakının Yasamal və Nizami rayonlarının bəzi ərazilərində bu gün elektrik enerjisinin verilişində müvəqqəti məhdudiyyət tətbiq olunacaq.

Bu barədə "Azərişıq" ASC məlumat yayıb.

Bildirilib ki, Yasamal Rayon Enerji Təchizatı və Satışı İdarəsinin (RETSİ) xidməti ərazisində yerləşən transformator məntəqəsində planlı təmir işləri aparılacaq. Bu səbəbdən saat 10:00-dan 13:00-dək Həsən bəy Zərdabi prospektinin, Əsəd Əhmədov və Abbas Mirzə Şərifzadə küçələrinin bir hissəsində elektrik enerjisinin verilişində fasilə yaranacaq.

Eyni saatlarda Nizami RETSİ-nin xidmət ərazisində yerləşən transformator məntəqələrində aparılacaq təmir və texniki baxış işləri ilə əlaqədar Nizami Abdullayev küçəsində də elektrik enerjisinin verilişi müvəqqəti dayandırılacaq.

Qeyd olunub ki, təmir işləri başa çatdıqdan sonra sözügedən ərazilərin daha dayanıqlı və keyfiyyətli elektrik təchizatı təmin ediləcək.

Müəllif: Malik Məlikov (Milli.Az redaktor)

Azernews Newspaper

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.