Şou-biznes

Xuraman Şuşalı: “Mən telefondakı o kadrlara baxanda utanmıram”

10 Mart 2010 19:53
Baxış: 3 890
VTB-də minimal faiz dərəcəsi ilə nağd kredit 9.9%-dən
Sözügedən verilişdə müğənni Yaqut Babayeva öz evində qonaqlıq verərkən, Xuramanın mobil telefonlarda yayılan video görüntüsünü həmkarının başına qaxınc edirmiş kimi nümayiş etdirmişdi. "Yağ kimi"nin anonslarında isə bu hadisə daha da şişirdilərək, tamaşaçılarda müəyyən şübhələr yaratmışdı. Görüntülərdən belə başa düşülürdü ki, guya Y.Babayevanın telefonunda  Xuramanın hansısa porno görüntüsü var və bunun üzə çıxması ilə ifaçının səhhəti pisləşir.

Bəs görəsən, əslində həmin kadrlarda nə var idi? Trend Life-a açıqlamasında bu sualı cavablandıran Xuraman deyib: "Yaqut Babayevanın əlində olan kadrlar bir neçə meyxanaçının mənim şənimə dediyi xoş sözləri özündə əks etdirən kiçik bir video süjetdən ibarətdir. Sadəcə o, telefonundakı həmin kadrı elə təqdim etdi ki, guya mən hansısa ayıb iş tutmuşam. Həmin videodan mənim də xəbərim var və mən o kadrlara baxanda heç də utanmıram".

İfaçı ona atılan böhtanların heç bir fayda verməyəcəyini bildirib. "Kim olduğum və hansı ailədə tərbiyə aldığım çoxlarına məlumdur. Mənə qarşı yönələn qara piar kampaniyasının başında kimlərin dayandığını bilməsəm də düşünürəm ki, bədxahlar heç vaxt istəklərinə çatmayacaq. Allahın mərhəmətinə sığındığım üçün Ulu Tanrı ona iman gətirən bəndələrini qoruduğu kimi, məni də bütün pisliklərdən və bəlalardan qoruyur. Məncə, bu ismarıcım lazım olan ünvanlara yetişəcək", - deyə Xuraman qeyd edib.

/Trend Life/
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.