Şou-biznes

Dilarə Əliyeva: "Yenidən aparıcılıq etmək..." - FOTO

13 İyun 2016 19:11
6 Şərh     Baxış: 5 555

Ötən şənbə Azərbaycan Dövlət Akademik Milli Dram Tetarında "Ölülər" tamaşası növbəti dəfə nümayiş etdirilib.

Milli.Az atv.az-a istinadən bildirir ki, tamaşaçılar arasında "SOY production"ın prezidenti Oqtay Əliyev və onun həyat yoldaşı, əməkdar artist Dilarə Əliyeva da əyləşmişdi. Onlar tamaşa haqqında təəssüratlarını ATV.az saytı ilə bölüşdülər:

Oqtay Əliyev:
"Maraqlı və yeni tamaşa idi. Biz də tamaşaçılar kimi çox bəyəndik. Çox maraqlı mizanlar və quruluş var idi".

Dilarə Əliyeva: "Bütün yaradıcı heyəti, xüsusilə də Azər Paşa Nemət müəllimi təbrik edirəm. Həqiqətən də maraqlı və baxımlı tamaşa idi. Tamaşaçıları da baxmağa dəvət edirəm".

Dilarə Əliyevanı görmüşkən ondan yeni işləri barəsində də açıqlama aldıq.
"İnşallah, sentyabrın 4-də mənim iştirakımla yeni bir film təqdim olunacaq. Film komediya janrındadır. Hələ bu filmin adını çəkə bilmərəm. Daha iki yeni filmdə də rol almışam. Onların çəkilişi davam edir", - deyə aktrisa bildirib.

"Aparıcı kimi sizi yenidən görə biləcəyikmi?" sualına isə əməkdar artist belə cavab verdi:
"Yenidən aparıcılıq etmək fikrim hələ yoxdur. Nə vaxtsa yeni bir layihə olarsa, yəqin ki, qəbul edərəm. Hazırda istirahət edirəm, dincəlirəm. Həyatımda heç vaxt yaşamadığım bir zamanı yaşayıram. Hələ də istirahət etmək istəyirəm".

Milli.Az

Məqaləyə dair fotomateriallar:

Şərh yaz:

6 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.