Şou-biznes

Keçmiş "Tək səbir"çidən Həsən Əliyevə ittiham: "Elədiklərini mənim üstümə yıxırmış"

6 May 2015 12:11

0 Şərh Baxış: 8 668

VTB-də minimal faiz dərəcəsi ilə nağd kredit 9.9%-dən

#ŞOU-BİZNES

"Tək səbir" verilişinin prodüseri olmuş Ramiz Hüseynzadə son vaxtlar aktyor Elməddin Cəfərovla rejissor Həsən Əliyev arasında yaranmış gərginliyə münasibət bildirib.

Qeyd edək ki, Elməddin Cəfərov mətbuata müsahibəsində bildirmişdi ki, "Tək səbir" layihəsinin rəhbəri Həsən Əliyev zamanında onun və digər aktyorların məvaciblərini kəsib. H.Əliyev isə Elməddin Cəfərovu tanıtdığını dilə gətirib və belə bir məsləhət verib: "Onu mən tanıtdırmışam, Allahından qorxsun".

Milli.Az olkə.az-a istinadən xəbər verir ki, R.Hüseynzadə də hesab edir ki, Həsən Əliyev kollektiv üzvlərinin əməkhaqqını kəsib:

"Həsən bizi tanıtdırıb deyə acından öldürməliydi? Mən həmin verilişin prodüseri olmuşam. Bütün pul məsələlərini tək həll edirdim. İndiki Heydər Əliyev Sarayında baş tutan konsertimizin bilətlərini təkbaşına Bakını gəzə-gəzə satmışam. Beş yüzə yaxın bilet satdım, 75 dollar maaş aldım. "Toy" filminin təqdimatına sponsor gətirdim, amma o filmdən bir qəpik almadım. Ən maraqlısı odur ki, Həsən mənim uşaqlarımın kirvəsidir. Elə ən yandıran da odur ki, elədiklərini mənim üstümə atırmış. Bunu da kollektiv dağılandan sonra bilmişəm".

R.Hüseynzadə bununla yanaşı, etiraf edir ki, H.Əliyevin kollektiv üçün müəyyən xidmətləri də olub:

"Amma gərək düzünü danışasan. "Tək səbir" kollektivini Həsən yaratmışdı və buna görə ona minnətdaram. Mənim televiziyaya gəlişimin səbəbkarı da odur. Amma o, milyonlar qazana biləcəyi bir kollektivi pul vermədiyinə görə saxlaya bilmədi.

İndi çəkilən "Toy"-2 və "Tək səbir" verilişi də buna sübutdur. O kollektiv əvəzolunmaz idi. Məncə, Həsən qayıdandan sonra köhnə kollektivi toplasaydı, daha böyük uğur qazanardı".

Milli.Az