Şou-biznes

"Vüsalə Əlizadənin o fikri YANLIŞDIR"

23 Mart 2026 09:32
Baxış: 1 991
VTB-də minimal faiz dərəcəsi ilə nağd kredit 9.9%-dən
#ŞOU-BİZNES #MƏŞHURLAR #TOY #AİLƏ #MÜĞƏNNİ #APARICI

Müğənni Afət Fərmanqızı aparıcı Vüsalə Əlizadənin efirdə səsləndirdiyi fikirlərə sərt münasibət bildirib.

Milli.Az xəbər verir ki, Vüsalə Əlizadə gənc qızlara ailə qurarkən evi olmayan şəxslərlə evlənməməyi tövsiyə edib. Bu açıqlama isə cəmiyyətdə müzakirələrə səbəb olub.

Məsələyə münasibət bildirən Afət Fərmanqızı bu fikirlə razılaşmadığını deyib:

"Onun dediyi sözlər yanlışdır. Deyir ki, evi olmayan insanla ailə qurmayın. Tutaq ki, bir nəfər 800 manat maaş alır, evi yoxdur.  Bu insan 25 yaşında evi necə alsın? 25-30 yaş evlilik yaşıdır, bəs nə etsinlər?"

İfaçı əlavə edib ki, maddi imkan hər şey demək deyil:

"Pulu, milyonu olan axmaq adama ərə getməkdənsə, qoy kasıb və mərd biri olsun. Əxlaqlı birinə ərə gedin. Avropada 10 min avro maaş alanlar var, hamısı kirayədə qalır. İmkanları olsa da almırlar, çünki öz həyatlarını keyf ilə yaşayırlar. Hər şey ev və maşınla bağlı deyil".

Müğənninin bu açıqlaması sosial şəbəkələrdə geniş rezonans doğurub. İzləyicilər iki fərqli mövqe ətrafında müzakirələr apararaq mövzuya müxtəlif yanaşmalar sərgiləyiblər.

Musa
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.