Şou-biznes

"İbo ilə Güllüşah"ın ulduzu indi necə görünür? - FOTO

5 Oktyabr 2025 00:12

Baxış: 1 971

VTB-də minimal faiz dərəcəsi ilə nağd kredit 9.9%-dən

#AKTRİSA

Türk kinosunun unudulmaz uşaq ulduzlarından biri olan Gülşah Alkoçlar, illər sonra yenidən gündəmə gəlib. Uşaqlıqda rol aldığı "İbo ilə Güllüşah" filmi ilə tanınan Alkoçlar, bu gün 56 yaşında olmasına baxmayaraq gözəlliyi və gənc görünüşü ilə sosial mediada böyük maraq doğurub.

1969-cu il aprelin 24-də dünyaya gələn Gülşah Alkoçlar, məşhur aktrisa Hülya Koçyiğit və futbolçu Selim Soydanın qızıdır. O, cəmi 5 yaşında ikən ilk filminə çəkilərək Türk kinosunun sevilən simalarından birinə çevrilib.

Alkoçlar "İbo ilə Güllüşah", "Gülşah Küçük Anne" və "Gülçiçək" kimi unudulmaz filmlərdə Kemal Sunal və Ayşen Gruda kimi sənətkarlarla baş rolları bölüşüb.

1988-ci ildə Ender Alkoçlarla ailə quran aktrisanın Neslişah və Aslışah adlı iki qızı var.

Gülşah Alkoçlar hazırkı görünüşü ilə həm medianın, həm də izləyicilərin diqqətini çəkib. Onun anasına bənzər cizgiləri və gəncliyini qoruyan zahiri sosial şəbəkələrdə böyük maraq doğurub. Bir çox izləyici onun "sanki gənclik iksirini tapdığını" yazıb.

Lalə Qüdrətova
Milli.Az