Şou-biznes

TV-lər, hotellər, hektarlarla ərazi - Tatlısəsin dodaq uçuqladan sərvəti

30 Aprel 2025 06:06

Baxış: 2 995

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MARAQLI #TÜRKİYƏ #MÜĞƏNNİ

Türkiyə musiqisinin əfsanəvi siması İbrahim Tatlısəs təkcə sənət sahəsindəki uğurları ilə deyil, eyni zamanda sahib olduğu sərvət və qurduğu bizneslə də diqqət mərkəzindədir.

Milli.Az xəbər verir ki, müğənnilik karyerası ilə milyonların sevgisini qazanan Tatlısəs illər ərzində qazandığı gəlirləri ağıllı şəkildə investisiyalara yönəldərək böyük bir maliyyə imperiyası qurub. Onun mülkiyyətində olan daşınmaz əmlaklar, otellər, ticarət obyektləri və media şirkətləri onu Türkiyənin ən varlı sənətçilərindən birinə çevirib.

İstanbul, Bodrum, Kuşadası və Şanlıurfa kimi müxtəlif şəhərlərdə əmlak sahibi olan Tatlısəsin sərvət siyahısı zəngindir. İstanbul Seyrantepədə kabab restoranı, televiziya binası, şirkət ofisləri və geyim markasına məxsus emalatxana və mağaza ona məxsusdur. Sarıyerdə lüks villa, Seyrantepədə üç mənzil və Şanlıurfada əlavə mənzil və torpaq sahəsi də siyahıya daxildir.

İzmir Narlıdere Folkart Evləri və Hadımköy Günışığı Konaklarında yerləşən villalar, Bodrum Bitezdə dənizkənarı 6,5 hektarlıq ərazidə yerləşən 26 otaqlı otel və əlavə torpaq sahəsi Tatlısəsin ən dəyərli sərmayələrindəndir.

Kuşadasında yerləşən, 8 sot ərazidə inşa edilmiş 157 otaqlı, 314 çarpayılıqlı Tatlıses Hotel onun ən böyük turizm sərmayələrindəndir. Bundan başqa, İstanbulda beş kabab restoranı, peyk üzərindən yayımlanan telekanal və ölkə səviyyəsində yayımlanan Tempo TV də onun media aktivləri sırasındadır.

1 qayıq, 2 sürətli qayıq, 2 Mercedes, 3 cip, 1 limuzin və 20 şirkət maşını da ona məxsusdur.

Fidan
Milli.Az