Şou-biznes

"Bu sahədə kişi olmaq daha rahatdır"

4 Noyabr 2024 23:37
Baxış: 1 732
VTB-də minimal faiz dərəcəsi ilə nağd kredit 9.9%-dən
#ŞOU-BİZNES #MARAQLI #ŞOU #KİŞİ #AKTRİSA

"Bu sahə mənə qazancdan başqa hər şey verir".

Aktrisa Sevinc Əliyeva prodüser kimi fəaliyyət göstərməyin çətin tərəflərindən söz açıb.

Milli.Az xəbər verir ki, bu barədə o, jurnalist Pərviz Hüseynin "Pərvizə görə" layihəsində danışıb.

Sevinc deyib ki, bu sferada qadın kimi çalışmaq asan deyil:

"Aktrisalıq fəaliyyətim qıraqda qalıb. Bunu bilərək etmirəm. İstəyərəm yaxşı layihələr olsun, çalışım. Son rol aldığım işlərdən biri Vaqif Mustafayevin filmi oldu, bir də "Eltilər" serialı. Təkliflər alıram, amma görürəm ki, çatdırmayacağam, bir az başqa işlər istəyirəm. O da qınamıram, təklif edənin şəraiti ona çatır. Alınmır. Prodüserlik mənə qazancdan başqa hər şey verir. Çox qəribədir, əslində prodüser qazanmalıdır. Məndə də o ambisiyalar var ki, yeni işlər edim və sairə. Mənə həmişə pis gəlirdi, məsələn öz rol aldığım serialları paylaşırdım, yazırdılar ki, bu nədir? Azərbaycanda serial yoxdur və sairə. İndi Azərbaycanda serial var. Həmişə istəyirdim ki, özüm rol almasam da, arzuladığım kimi bir iş ərsəyə gəlsin, çəkim göstərim. Bu sahədə tək irəliləmək çox çətindir. Səbəbi elə qadın olmağımdır. Hələ heç bir işimdə sponsor olmayıb. İşim kanaldan keçib. Müraciət edirsən, rəsmi şəkildə icazə alırsan. Məsələn, rayonda da çəkiliş edəndə PPX-nın maşınlarından istifadə üçün belə icazə almışdıq. Bu sahədə qalmağın qadın kimi çətinliyi ətrafımdır. Sırf prodüser işində kişi olmaq daha rahatdır. Həm qadın, həm ana kimi empatiya gücü məndə çox olur. Baxıram ki, bu, mənim mənfi tərəfimdir. Prodüserlikdən daha çox insanlığı düşünən tərəf oluram. Bəzi hallarda bunu etmək qəti olmaz. Yetəri qədər sərt olmalısan. Mənə sərt olmamağım problemlər yaradır. Yenə də hansısa sahədə təkbaşına iş görmək qadına daha çətindir".

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.