Şou-biznes

Britni Spirs yadplanetliləri gördüyünü iddia edir

27 Oktyabr 2023 23:03

Baxış: 1 281

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MÜĞƏNNİ #YADPLANETLİ

Müğənni Britni Spirs "The Woman in Me" adlı yeni memuarında yadplanetlilərlə görüşdüyünü iddia edib.

Milli.Az oxu.az-a istinadən bildirir ki, Spirs Castin Timberleykdən ayrıldıqdan sonra rəfiqəsi ilə Arizona səhrasında səyahət edərkən fövqəltəbii hadisə yaşadığını etiraf edib. 41 yaşlı ulduz bildirib ki, münasibətinin bitməsi səbəbindən özünü lənətlənmiş kimi hiss edirmiş. Rəfiqəsi isə Timberleykin ən yaxın dostundan yenicə ayrılıbmış. Odur ki, onlar bir yerdə səyahətə çıxıblar.

Spirsin dediyinə görə, onlar ulduzlu səma altında küləkli havada üstü açıq avtomobillə hərəkət edərkən kiminsə varlığını hiss ediblər.

"Məni qəribə bir hiss bürüdü. Bu, mütləq gözəllik idi, qeyri-təbii, insanı tərk-silah edən bir şey idi", - deyə Britni yazıb. O, əlavə edib ki, dostundan yadplanetlilərə inanıb-inanmadığını soruşmağa utanıb. Rəfiqələr uzun müddət susublar.

"Həmin anda biz başa düşdük ki, gördüklərimizdən daha çox şeylər var", - deyə o yekunlaşdırıb.

Milli.Az