Şou-biznes

Ulduz müğənni xəstəxanaya yerləşdirildikdən sonra ilk dəfə paylaşım edib

11 İyul 2023 07:43

Baxış: 835

#ŞOU-BİZNES

Müğənni Madonna xəstəxanaya yerləşdirildikdən sonra instaqram səhifəsində ilk paylaşım edib.

Milli.Az lent.az-a istinadən bildirir ki, amerikalı ulduz səhhətindən danışan və dəstək olduqları üçün pərəstişkarlarına təşəkkür edən paylaşım edib.

"Müsbət enerji, dualar, şəfa və ruhlandırıcı sözlər üçün təşəkkür edirəm. Mən sizin sevgini hiss etdim. Mən sağalma yolundayam və həyatımdakı bütün nemətlərə görə inanılmaz dərəcədə minnətdaram", - deyə sənətçi bildirib.

O, oyandıqdan sonra ilk ağlına gələnlərin uşaqlar və pərəstişkarları olduğunu etiraf edib.

"Turuma bilet alanları məyus etmək istəməzdim. Şou yaratmaq üçün son bir neçə ayda mənimlə yorulmadan çalışan insanları ruhdan salmaq istəmədim. Mən kimisə məyus etməkdən nifrət edirəm" dedi.

Müğənninin sözlərinə görə, o, hazırda bütün diqqətini xəstəxanadan sağalmağaşo cəmləyib və bacardıqca səhnəyə qayıdacaq.

İyunun 28-də Madonna huşsuz vəziyyətdə tapılıb və təcili olaraq Nyu-York xəstəxanasına aparılıb.

Milli.Az