Azərbaycan "COP29"la dünyaya nümunə oldu

Məlum olduğu kimi, Braziliyada keçirilən COP30 tədbirində pavilyonlardan birində yanğın baş verib və 13 iştirakçı tüstüdən zəhərlənib. Hadisə konfransın sonuna bir gün qalmış baş verib. Yanğın altı dəqiqəyə nəzarət altına alınsa da, tədbir təşkilatçıları təhlükəsizlik məqsədilə bütün məkanı yeddi saat bağlamağa məcbur olub. Təhlükəsizlik personalı pavilyonları metal baryerlərlə qoruyub. Yanğın səbəbi ilə iştirakçılar danışıqları dayandırmalı, əşyalarını götürmək və pavilyondan uzaq otaqlara keçmək məcburiyyətində qalıblar. Bu hadisə COP30-un təşkilat və təhlükəsizlik sistemlərində bəzi çatışmazlıqların mövcud olduğunu göstərir.

Bu məqamda ağla ötən il Azərbaycanda keçirilən COP29 gəlir. Hansı ki, tədbir həm təşkilat, həm də təhlükəsizlik baxımından nümunəvi səviyyədə idi. Tədbirin keçirildiyi məkan müasir infrastruktura malik olub və bütün pavilyonlarda yanğınsöndürmə və təxliyə sistemləri, canlı monitorinq və peşəkar təhlükəsizlik personalı hər zaman hazır vəziyyətdə olub. İştirakçılar həmçinin yüksək xidmət səviyyəsi və rahatlıqla təmin olunub, toplantılar fasiləsiz və səmərəli şəkildə keçirilib.

COP30 təcrübəsi göstərir ki, beynəlxalq tədbirlərdə iştirakçıların təhlükəsizliyi və rahatlığı ön plana qoyulmalıdır. Azərbaycan COP29 ilə bu sahədə digər ölkələr üçün nümunə göstərib. Tədbirin yüksək səviyyədə təşkili iştirakçıların işgüzar görüşlərə, danışıqlara və layihələrə tam fokuslanmasına imkan verib, həmçinin ölkənin beynəlxalq nüfuzunu artırıb.

COP29 zamanı bütün təhlükəsizlik tədbirləri qabaqcadan planlaşdırılıb və potensial risklər öncədən nəzərə alınıb. Yanğın və qəza hallarının minimuma endirilməsi üçün texniki avadanlıqlar, avtomatik detektorlar və interaktiv monitorinq sistemləri tətbiq edilib. Bu isə iştirakçılara həm danışıqlara, həm də təqdimatlara tam fokuslanmaq imkanı verib. Tədbirin yüksək təşkilat səviyyəsi, həmçinin qonaqlar üçün rahat və təhlükəsiz mühit yaratmaq baxımından beynəlxalq standartlara cavab verib.

COP29-un uğuru yalnız infrastrukturla məhdudlaşmır. Tədbirin idarə edilməsi, iştirakçıların marşrutlarının planlaşdırılması və ziyarətçilərin rahat hərəkəti diqqətlə nəzərə alınıb. COP30-da baş verən yanğın Braziliya tədbirində bəzi risklərin mövcudluğunu ortaya çıxarsa da, COP29 Azərbaycanın həm təhlükəsizlik, həm də təşkilat baxımından nümunəvi tədbir olduğunu bir daha göstərir.

COP29 zamanı iştirakçılar üçün yaradılan texniki imkanlar və xidmətlər diqqətəlayiq olub. Məlumat stendləri, interaktiv təqdimatlar, auditoriya və pavilyonların yüksək səviyyəli təchizatı, eləcə də fasilələr zamanı iştirakçıların istirahət və yemək üçün nəzərdə tutulan sahələr tədbirin rahatlığını artırıb. Bu isə beynəlxalq qonaqlar tərəfindən yüksək qiymətləndirilib və tədbirin möhtəşəmliyini vurğulayıb.

COP30-da yaşanan gərginlik Braziliya tədbirində bəzi risklərin mövcudluğunu göstərsə də, COP29 Azərbaycanın həm təhlükəsiz, həm də möhtəşəm təşkil olunmuş tədbir olduğunu deməyə əsas verir. İnfrastrukturun keyfiyyəti, texniki dəstək, təxliyə sistemləri və iştirakçıların rahatlığının təmin olunması Azərbaycandakı iqlim danışıqlarını beynəlxalq səviyyədə nümunəvi tədbirə çevirib.

COP29 ilə Azərbaycan təşkilatçılıq bacarığını, təhlükəsizlik sistemlərinin etibarlılığını və iştirakçıların rahatlığını beynəlxalq auditoriya qarşısında nümayiş etdirmiş oldu. COP30-da baş verən yanğın hadisəsi göstərdi ki, tədbirlərin yüksək səviyyədə və təhlükəsiz təşkil olunması iştirakçıların işini dayandırmamaq və konfransın uğurla keçməsi üçün vacibdir. Bu baxımdan, COP29 Azərbaycanın beynəlxalq tədbirlərin təşkili sahəsində lider ölkələrdən biri olduğunu bir daha təsdiqləmiş oldu.

İslam
Milli.Az