Şou-biznes

Dələduzluqda ittiham olunan DiKaprio ifadə verdi

5 Aprel 2023 20:50

Baxış: 688

VTB-də minimal faiz dərəcəsi ilə nağd kredit 10.49%-dən

#MƏŞHURLAR

Xəbər verdiyimiz kimi, Hollivud ulduzu Leonardo DiKaprio dələduzluqda ittiham olunur.

Milli.Az axşam.az-a istinadən xəbər verir ki, aktyor ötən gün məsələ ilə bağlı məhkəməyə çağırılıb və ifadə verib. Onun məhkəmə zalında verdiyi açıqlama ilə bağlı isə hələlik məlumat yayımlanmayıb.

Qeyd olunur ki, prosesdə əsas müttəhim - iş adamı Cho Loudur. Həmin şəxs beynəlxalq çirkli pulların yuyulmasını təşkil etməkdə ittiham olunur. Hüquq-mühafizə orqanlarının məlumatına görə, Lounun Malayziyanın 1MDB dövlət investisiya fondundan milyardlarla dolların mənimsənilməsində əli var. Ehtimallara görə, reper Pras Mişel sahibkarın şəriki olub. Müstəntiqlərin fikrincə, o, Lounun bu işində vasitəçi olub.

Prokurorluq orqanları iddia edir ki, 2012-ci ilin iyun-noyabr ayları arasında Lou prezident seçkiləri üçün pul köçürmək məqsədi ilə Mişelə 21,6 milyon dollardan çox pul köçürmək əmri verib.

Hüquq-mühafizə orqanlarının məlumatına görə, iş adamı Di Kaprioya çoxlu hədiyyələr verib, onunla dünyanın müxtəlif ölkələrində əyləncə gecələri təşkil edib və "The Wolf of Wall Street" filminin istehsalına sponsorluq edib.

Di Kaprio daha əvvəl FTB agentlərinə Lou ilə gecə klubunda tanış olduğunu deyib.

Milli.Az