Şou-biznes

Məşhur repçi əməkdar artistin OĞLU İMİŞ - VİDEO

28 Fevral 2023 14:48
Baxış: 1 970
VTB-də minimal faiz dərəcəsi ilə nağd kredit 10.49%-dən

"Caspian Clan" ləqəbi ilə məşhurlaşan repçi Emil Hüseynov əməkdar artist Nəcibə Hüseynovanın oğlu olduğu üzə çıxıb. 

Milli.Az bizim.media-ya istinadən bildirir ki, bu haqda "Səhər mərkəzi" verilişində məlumat verilib. 

N.Hüseynova qonaq olduğu proqramda oğlu ilə bağlı etirafları ilə diqqət çəkib: 

"İndi rep janrına daha sadə baxırlar. Artıq hamı sakitləşib. Onlar rep deməyə başlayanda çox pis qarşılanmışdı. Deyirdilər ki, bu nədir, bizə yad olan şeydir, nəyə lazımdır, meyxana var. Amma rep tamam başqa janrdır. Bir-iki dəfə cəhd göstərdi, nəyisə yazdı. Yaşına uyğun olaraq, sevgidən rep yazdı. Oğlum "Sən gəlməz oldun" mahnısının musiqisi üstündə rep yazdı və dedi. Keçmiş "Dəyirman" qrupu da oğlumla eyni dövrdə çıxdı. Biz bir yerdə işləmişik. "Dəyirman"ın üzvləri Rusiyanın hansısa şəhərinə getmişdilər.

İndi yadımda deyil. Dedi ki, orada taksiyə mindik. Sürücü musiqiyə səs verdi. Qulaq asanda gördük ki, Emil "Sən gəlməz oldun" oxuyur. Sürücü dedi ki, görürsən qardaş necə oğlan rep oxuyub. "Dəyirman"çılar söylədilər ki, matımız qurudu ki, biz özümü dağıdırıq, nə qədər işləyirik, bizə qulaq asmırlar. Bu dünən başlayıb, iki kəlimə söz yazıb, buna qulaq asırlar. Dedim ki, mövzusu elədir ki, hamıya yaxındır. Yavaş-yavaş  mən də oğluma görə sakitləşdim. Bu da onun bir məşğulliyətidir".  

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.