Amerika

ABŞ-də federal hökumət bağlana bilər – Trampdan xəbərdarlıq

1 Oktyabr 2025 00:56
Baxış: 1 214
VTB-də minimal faiz dərəcəsi ilə nağd kredit 9.9%-dən
#DONALD TRAMP

ABŞ Prezidenti Donald Tramp federal hökumətin yaxın vaxtlarda bağlana biləcəyini açıqlayıb. Tramp, Demokratların qeyri-qanuni miqrantlara pulsuz səhiyyə xidməti göstərmək istədiyini iddia edərək, bunun ölkəyə böyük yük gətirəcəyini bildirib.

"Bağlanma zamanı çox sayda insan işdən çıxarıla bilər və Demokratların sevdiyi proqramlar dayandırıla bilər. Bu, geri dönüşü olmayan nəticələrə səbəb ola bilər" - deyə Tramp qeyd edib.

Prezident əlavə edib ki, hökumətin bağlanması zamanı sosial yardım proqramları da dayandırıla bilər, amma dələduzluq və israfın qarşısını almaq istəyirlər.

Tramp məsuliyyəti Demokratların üzərinə atıb və danışıqlardan nəticə alınmadığını bildirib.

ABŞ-də maliyyə ili 1 oktyabrda başlayır. Konqres büdcəni vaxtında təsdiqləyə bilməzsə, hökumət müvəqqəti maliyyə ilə fəaliyyətini davam etdirir.

Büdcə təsdiqlənmədikdə, federal hökumət yalnız əsas xidmətlər üçün işləyir.

Bu dövrdə əsas olmayan işçilər məzuniyyətə göndərilir, lakin orduda, kəşfiyyat qurumlarında, xəstəxanalarda və hava limanlarında çalışanlar işlərinə davam edir.

Əsas personal maaşlarını adətən yeni büdcə qəbul olunana qədər ala bilmir.

Hökumətin bağlanması, ölkədə xidmətlərin məhdudlaşmasına və işçilərin müvəqqəti işdən çıxarılmasına səbəb ola bilər. Tramp isə bunun riskini Demokratların siyasəti ilə əlaqələndirir.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.