Şou-biznes

Aşıq Zülfiyyənin oğlu Renkanı ağlatdı - VİDEO

27 Dekabr 2022 19:32

Baxış: 2 449

VTB-də minimal faiz dərəcəsi ilə nağd kredit 10.49%-dən

#VİDEO

Renka ləqəbi ilə şou-biznesdə məşhurlaşan ərəb rəqslərinin mahir ifaçısı Rəna Ağamuradova ilə aşıq Zülfiyyə İbadovanın müğənni oğlu Babək arasında qalmaqal yaşanıb.

Milli.Az bizim media-ya istinadən xəbər verir ki, rəqqasə mərhum atası haqda danışarkən müğənninin dərindən "off" çəkməsi qarşı tərəfi qəzəbləndirib.

Renka "Deyəsən sıxıldınız. Ona görə "off" çəkdiniz" sözlərini Babəkə ünvanlayıb.
O, bunu inkar edib. Rəqqasə bundan incəyərək artıq danışmaq istəmədiyini dilə gətirib. Renka isə "O danışanda axı mən elə bir reaksiya vermirəm. Siz də danışanda mən "off" eləmirəm" deyib.

Məsələni yumuşaltmaq üçün müğənninin anası aşıq Zülfiyyə "Babək nənəsini, babasını çox istəyirdi. Çünki valideyinlərim ona baxıblar" fikrini bildirib.

Aşığın övladı isə "Ana sən açıqlama vermək məcburiyyətində deyilsən" söyləyib.
Daha sonra verilişin aparıcısı rəqqasənin yerini dəyişdirib.

Bu anda isə Renka ağlayaraq "Kimsə rəqsimə pis baxa bilər. Kənarda "off"uldaya bilər. Rəqsimi sevirəm. Rəqsimi insanlara və xanımlara sevdirmişəm. Babək kimi insanlar belə neqativ reaksiya verəndə mənə çox pis təsir edir. Qadın olsaydı üstündən keçərdim. Ayıbdır! Hamımız şou-biznes, efir adamıyıq" söyləyib.

Buna cavab olaraq Babək "Renka ilə şəxsi tanışlığım yoxdur. Amma məni tanıyan bilir ki, qadınla heç zaman şəxsi qərəzim ola bilməz" cümləsini dilə gətirib.
Aşıq Zülfiyyə Renkaya "Xahiş edirəm elə başa düşməyin. Mümkün deyil. Heç kimin haqqı yoxdur ki, belə bir reaksiya göstərsin" deyərək verilişdə ifasını təqdim edib.

Bu anda isə Rəna ayağa qalxaraq, göz yaşı içində studiyanı tərk edib.

Milli.Az