Şou-biznes

Nura Suri bulvarda etiraz etdi: “Bu qədər pul qazanırlar, belə hörmətsiz yanaşırlar” - VİDEO

13 Avqust 2022 17:45
1 Şərh     Baxış: 1 782
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Müğənni Nura Suri Bakı bulvarı ərazisində samokat icarəyə verən "WingZ" şirkətindən şikayətçidir.

Milli.Az "Qafqazinfo"ya istinadən xəbər verir ki, bu barədə o, feysbuk səhifəsində paylaşım edib.

Suri iddia edir ki, şirkətin əməkdaşları enerjisi çox olan samokatları qəsdən aktiv saxlayır ki, heç kim götürə bilməsin, enerjisi az olanları isə sakinlərə təklif edir.

"WingZ şirkətinin işçiləri belə işləyirlər. Yəqin ki, rəhbərliyin xəbəri var. Bu qədər pul qazanırlar, bu qədər də hörmətsiz yanaşırlar. Hər gün də olmasa, günaşırı David (oğlu-red.) bulvarda götürüb sürür. Bir neçə dəfə bu halla rastlaşmışıq deyə paylaşmaq qərarına gəldim", - müğənni sosial şəbəkə səhifəsində yazıb.

Məsələ ilə bağlı "WingZ" şirkəti ilə əlaqə saxladıq. Rəhbərlikdən saytımıza bildirdilər ki, deyilənlər həqiqəti əks etdirmir: "Anlaşılmazlıq olub. Əvvəlcə onu qeyd edim ki, samokatın enerjisi 50%-dən aşağıdırsa, müştəri onu götürə bilmir. Digər aktiv samokatı isə əməkdaşımız götürüb ki, gedib digər enerjisi bitmiş samokatlar üçün batareya gətirsin. Nura Suri problemi düzgün ifadə etməyib".

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.