Şou-biznes

31 yaşında Amerikada güllələndi: Aygün Kazımovanı məğlub edən müğənnimizin faciəvi həyatı - FOTO

14 May 2022 06:22
2 Şərh     Baxış: 4 568

Azərbaycanlı müğənni Sevil Hacıyeva haqqında 10 maraqlı fakt məlum olub.

Milli.Az xəbər verir ki, kulis.az-ın araşdırmasını təqdim edirik:

Sevil Hacıyeva Bakı şəhərində anadan olub. Gənc yaşından musiqi fəaliyyətinə başlayır. Azərbaycan Dövlət Konservatoriyasının fortepiano şöbəsində təhsil alır.

Sevil Hacıyevanın solist kimi əsas fəaliyyəti 1980-ci illərin əfsanəvi qruplarından olan "Karvan"la bağlıdır.

Sevil Hacıyeva "Yanğı", "Köhnə tramvay", "De, kim eşitsin" kimi mahnıların ifaçısı olub. Onun ən çox duet ifa etdiyi müğənnilərdən biri Samir Bağırov olub.

1993-cü ildə "Karvan" qrupu dağıldıqdan sonra Sevil Hacıyeva bir də Bakı səhnələrində görünmür. O, digər həmyaşıdları və həmkarları kimi dövrün ağır şərtlərindən təsirlənərək, səhnələrdən uzaq düşür.

1988-ci ildə "Bakı Payızı-88" müsabiqəsinin laureatlarından biri olur. Yurmalada keçirilən müsabiqədə gənc musiqiçilərin yarışında iştirak edən Sevil Hacıyeva hətta Aygün Kazımovanı da geridə qoyaraq müsabiqənin finalına çıxır.

Sonralar isə "Qaya" qrupunun bədii rəhbəri Teymur Mirzəyevin dəvəti ilə qrupda çıxış etməyə başlayır. Bəstəkar Eldar Mansurovla davamlı əməkdaşlıq edib, onun yazdığı mahnıları oxuyur.

Vərəm xəstəliyindən əziyyət çəkən, ailə problemləri yaşayan müğənni tanış olduğu ABŞ vətəndaşının köməkliyi ilə Los-Ancelesə köçür. 8 Sentyabr 1996-cı ildə Ian Mussman adlı biri ilə evlənir. Həyatının ikinci baharını yaşayan Sevil Hacıyeva vərəm xəstəliyindən müalicə olunaraq sağalır, Los-Ancelesdə konservatoriyada təhsil almağa başlayır. Öz pulunu qazanmaq üçün isə gecələr şəhərin prestijli klublarının birində səhnəyə çıxır.

Sevil Hacıyeva rəsmi olaraq "Məhdud iş imkanı üçün icazə verilən xarici tələbə" statusunda olub. Sosial Təhlükəsizlik koduna sahib olub.

Sevil Hacıyevanın yaradıcılığının çiçəklənən vaxtı faciəli hadisə onun gənc həyatını yarıda qoyur. 12 sentyabr 2000-ci ildə bir dostu ilə səhnəyə çıxdığı klubdan evə qayıdarkən onun yolunu soyğunçu kəsir. Ciblərindəki pulları tələb edən oğruya tabe olmadığı üçün soyğunçu əvvəlcə Sevilin dostunu güllələyir. Daha sonra isə kömək çağırmaq üçün kluba doğru qaçan Sevil Hacıyevanı güllə ilə belindən vuraraq öldürür.

Öldürülən zaman gənc solistin 31 yaşı olur. "Karvan" qrupunun solisti ölümünün ardından "Hollywood Hills" məzarlığında torpağa tapşırılır.

Milli.Az

Məqaləyə dair fotomateriallar:

40 000 AZN-dək krediti ONLAYN sifariş et!

Şərh yaz:

2 Şərh:

  • Anonim
    dagli qizi · 14 May 09:1510

    Allah rehmet elesin! Genc yawinda bu oyda istedad sahibi olasan, heyatin bele tesadufi, facievi wekilde qirilsin....Heyif...

    Cavab yaz
  • Anonim
    Sewa · 14 May 15:2700

    Allah rehmet etsin, torpagı nur ile dolsun, özünden sonra hec nişane qoymadı, ifalarından başqa. O gece klubunda bir nece ayın pulunu 1-defelik alıb, pula göre öldürübler, soygunculuq meqsedi ile. Ermeninin etdiyini demekle yeqin kimseni teecüblendirmerem. Bilmirem sahibi ermeni olub, yoxsa soyguncu. Xatırlaya bilmedim. PS. A, hacı scetuna gündemde olanlar baxın öz üzerinde nece isleyirdi, davamlı tehsil ve. s. birinciliyine, mehşurluguna baxmayaraq. Saunalardan cıxmıyıb sonra hamıya exlaq dersi kecirler.

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics