Şou-biznes

TikTok-da pul qazanan məşhurlar - Siyahı

25 Yanvar 2022 13:34
3 Şərh     Baxış: 12 207

Bir neçə müddətdir TikTok video paylaşım platformasına Azərbaycan şou-mədəniyyət üzvləri axın edir.  

Milli.Az Olay-a istinadən xəbər verir ki, onlar sözügedən sosial şəbəkədə hesab açaraq, əvvəlcə min izləyici toplamağa çalışır, daha sonra canlı yayım açır, dostları ilə onlayn körpü quraraq revanşa qoşulur, kupon uğrunda yarışırlar.  

Tanınmışlar arasında prodüser Tarix Əliyev, aktrisa Pərvin Abıyeva, komediya aktyorları Sabir Samiroğlu, Elcan Rəsulov, Məcid Hüseynov, Həsrət Həsrətov, Mənsur Şərif, Nicat Şakirli (Niko), aparıcı İlham Mirzəyev, model Səmra Hüseynova və başqalarına rast gəlmək olar. 

Bəs TikTok canlı yayımından necə pul qazanmaq olar?

İstənilən abunəçi min izləyiciyə sahib olduqdan sonra canlı yayım aça, izləyicilər tərəfindən virtual hədiyyə qəbul edə bilər.  Həmin kuponlar TikTokun balansında qorunur və istifadəçi hədiyyələri pula çevirib öz bank kartına köçürə bilir.

Daha çox hədiyyə qazanmaq üçün tanınmış simalar duel-revanşa qoşulur, söhbət və yaxud müzakirə aparır.  Onları dəstəkləyən istifadəçilər tərəfindən təyyarə, gül, alov, papaq, eynək, tac, ürək kimi hədiyyələr qəbul edir.  Sözügedən hədiyyələrin hər biri müəyyən sayda kuponlardan ibarətdir. Nə qədər çox kupon, o qədər böyük pul deməkdir.  

Kuponlar arasında yüksək məbləğ şir hədiyyəsi hesab olunur ki, revanşlarda məşhurlara tez-tez atılır. 

Həmçinin, sandıq hədiyyəsi var ki, hesab sahibinə göndərilən zaman canlı yayımı izləyən şəxslər də kupon əldə edə bilir. 

Həmin hədiyyələr isə istifadəçilər tərəfindən müəyyən məbləğdə pula TikTok platformasından əldə edilir. 

Milli.Az

40 000 AZN-dək krediti ONLAYN sifariş et!

Şərh yaz:

3 Şərh:

  • Anonim
    Seid · 25 Yanvar 13:5961

    Virtual dilenchilik

    Cavab yaz
  • Anonim
    Şeyx · 27 Yanvar 20:5200

    Dilənci ylglnl

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics