Şou-biznes

Vüsalənin verilişi niyə yarımçıq dayandı? - SƏBƏBİ Təranə Qumral AÇIQLADI

19 Yanvar 2022 14:00

6 Şərh Baxış: 10 804

VTB-də minimal faiz dərəcəsi ilə nağd kredit 9.9%-dən

Vüsalə Əlizadənin ATV-də aparıcılığını etdiyi "7 canlı" proqramının yayımı yanvarın 18-də yarımçıq dayandırılıb.

Milli.Az lent.az-a istinadən xəbər verir ki, verilişdə müğənnilər Təranə Qumral, həyat yoldaşı Musa Musayev və onların qızları Sevgimcan, Qumral qonaq olublar. Proqram başladıqdan 21 dəqiqə sonra, Qumralın ifasının ardınca yarımçıq kəsilib. Sonra "7 canlı"nın yerinə "Ağdam və mən" verilişi efirə gedib.

Verilişdə qonaq olan Təranə Qumral Lent.az-a açıqlama verib: "Bu, sadəcə, texniki səbəbdən oldu. Söylədilər ki, verilişin peykə canlı siqnalı getmir. Ona görə də dünən veriliş axıra qədər çəkildi, sonra efirə təqdim ediləcək. Proqramın hansı gün efirə veriləcəyini özüm sosial şəbəkədəki səhifəmdə paylaşıb bildirəcəm. Verilişin anonsu artıq hazırlanır".

Milli.Az