ABŞ-ın HBO telekanalında nümayiş olunan dünyaca məşhur "Game Of Thrones" ("Taxtlar oyunu") teleserialının 8-ci, final mövsümünün treyleri nümayiş olunub.
Milli.Az bildirir ki, treylerdə Deyneris Tarqarien və Con Snounun "buz adam"ların hücumunun qarşısını almaq üçün nəhəng ordu topladıqları görünür.
Teleserialın tizerində yer almamış Bran Stark da kadrlarla görünür. Çoxları düşünürdü ki, final mövsümdə bu personaj əsas antoqonist olan Gecə Kralına dönəcək.
"Düşmənlər yorulmur, dayanmır və heç nə hiss etmirlər", - treylerdə deyilir.
"Game of Thrones" teleserialının 8-ci mövsümünün nümayişi aprelin 14-də başlanacaq və 6 seriyadan ibarət olacaq.
İlk iki seriyanın hər biri 1 saat, yerdə qalan seriyalar isə 80 dəqiqəlik olacaq.
Amerikalı yazıçı Corc Martinin "Buz və alovun mahnısı" əsərlər seriyası əsasında ekralanlaşdırılan teleserial 2011-ci ildən bəri nümayiş olunur. Həmin vaxtdan bəri serial 39 dəfə "Emmy" mükafatı alıb.
Milli.Az