Rusiya

Tanınmış jurnalist 36 yaşında öldü

16 Avqust 2026 09:51

Baxış: 2 223

VTB-də minimal faiz dərəcəsi ilə nağd kredit 9.9%-dən

#RUSSİA #MƏŞHURLAR #JURNALİST

Məşhur jurnalist və ekoloq, "SHER" Telegram kanalının baş redaktoru Aida Levanova 36 yaşında vəfat edib.

Milli.Az xəbər verir ki, "Komsomolskaya Pravda"nın məlumatına görə, Levanova bir ildən artıq müddətdə nadir və aqressiv limfoma növü ilə mübarizə aparıb.

Lakin müalicə səylərinə baxmayaraq, jurnalistin həyatını xilas etmək mümkün olmayıb.

Aida Levanova ekologiya və şüurlu istehlak mövzularında fəaliyyət göstərib. O, "Yaşıl Təlimat" kitabının müəllifi olmaqla yanaşı, davamlı inkişaf məsələləri üzrə federal və regional mediada ekspert kimi tanınıb.

Onun rəhbərlik etdiyi "SHER" layihəsi "Snob" jurnalının "Media - Yaşayış yeri" kateqoriyasında "Made in Russia" mükafatına layiq görülüb. Levanova həmçinin Rusiya Prezidenti tərəfindən tərifnamə ilə təltif olunub.

Jurnalistin ölümü ilə bağlı məlumatı həmkarları və yaxınları da təsdiqləyiblər.

Aida Levanovadan həyat yoldaşı və iki övladı qalıb.

Məlumata görə, onunla vida mərasimi avqustun 17-də Moskvadakı Müqəddəs Məryəm Ananın Uspensiya Kilsəsində keçiriləcək.//Nocomment

Müəllif: Tural Hüseyn (Milli.Az redaktor)